Feto rurál no Ema ho Defisiénsia (Ehd) sira partisipa iha semináriu ho tema “Dezenvolvimentu Polítka Implementasaun Jéneru iha Área Transporte Públiku ho Seguru ba Mudansa Inkluzaun” iha Covalima. Imajen Tatoli/Celestina Teles.

COVALIMA, 06 dezembru 2021 (TATOLI)—Ministériu Transporte no Komunikasaun (MTK) hamutuk ho Polísia Nasionál Timor-Leste (PNTL) Unidade Tranzito, segunda ne’e realiza semináriu ho tema “Dezenvolvimentu Polítka Implementasaun Jéneru iha Área Transporte Públiku ho Seguru ba Mudansa Inkluzaun” ba feto rurál no Ema ho Defisiénsia (EhD) iha Covalima.

MTK realiza semináriu ne’e oinsá kapasita ita-nia feto ruràl sira no ema ho difisiénsia sira atu asesu fasilidade transporte públiku no hasa’e sidadaun sira-ne’ebè mak uza motor no karreta nia kuñesimentu hodi halo movimentu ho seguru,” Reprezentante MTK, Gaspar de Araújo, hateten ba jornalista sira iha salaun administrasaun Covalima.

Formasaun ne’e fó ba joven no estudante sira atu iha kuñesimentu ne’ebè natón hodi bele halo movimentu ho seguru, no sei prepara harii infraestrutura públiku iha kondisaun di’ak nune’e ema ho difisiensia sira bele asesu.

Bazea ba observasaun katak durante ne’e ema ho difisiénsia kuran asesu ba fasilidade públiku hanesan sinál tránzitu no konstrusaun infraestrutura públiku ne’ebé labele fasilita ema ho defisiénsia sira ho di’ak no seguru.

“Ita inisia ona. Hanesan sinál tránzitu hanesan lampu merah tenke ho lian, nune’e ema ho difisiénsia bele asesu,” nia dehan.

Tanba, nia dehan, durante ne’e sidadaun sira seidauk iha kuñesimentu ne’ebè di’ak, nune’e MTK hamutuk ho PNTL liuhosi unidade tránzitu sei kontinua fó formasaun hodi hasa’e populasaun sira-nia kuñesimentu oinsá asesu uza sinál tránzitu ho seguru. 

“Utilizasaun dalan públiku ema barak mak seidauk komprende liu-liu utiliza sinál tranzitu. Ami servisu hamutuk ho PNTL liuhosi Unidade Tránzitu tenke fó formasaun sira, nune’e sidadaun sira bele komprende no bele uza ho seguru,” nia dehan.

Reprezentante Administradór Covalima, Francisco Mendonça, reforsa semináriu ida-ne’e importante hodi hasa’e sidadadun sira-nia kuñesimentu kona-ba oinsá la’o iha dalan públiku no respeita sinál tránzitu sira.

“Semináriu ida-ne’e fó kuñesimentu ba ita, liu-liu iha munisípiu Covalima, ba sidadaun sira uza transporte no estrada tenke iha kuñesimentu kumpre sinál tránzitu hodi evita dezastre ruma mosu,” nia hateten.

Nia sujere ba Governu atu hala’o sensibilizasaun ne’e, labele hala’o iha fulan-dezembru de’it maibé presiza kontinua nafatin, nune’e bele redús inflasaun, no joven sira-ne’ebé laiha karta kondusaun tuir formasaun ne’e, nune’e bele kumpre kodigu estrada, 

Jornalista : Celestina Teles

Editór       : Cancio Ximenes 

PUBLISIDADEiklan

HAKEREK NO HATÁN

Please enter your comment!
Please enter your name here