Kontrusaun moru Terra Propridade RAEOA atinje 31%. Imajen Tatoli/Abílio Elo Nini.

OÉ-CUSSE, 06 dezembru 2021 (TATOLI) – Progresu projetu moru inklui konstrusaun ba fasilidade seluk iha Diresaun Rejionál Terra Propriedade (DRTP), Rejiaun Administrativa Espesiál Oé-Cusse Ambeno (RAEOA) atinje ona 31%.

Projetu ne’e ezekuta hosi empreza Fitun Naubabas Unipesoál Lda hodi konstrui moru haleu Diresaun Rejionál Terra Propriedade ho distánsia metru 131, postu ba seguransa, paviamentu, armazein no jardín inklui instasalasaun bee-moos, ho valór $109,092.69, ne’ebé aloka hosi Orsamentu Jerál Estadu (OJE) 2021.

“Projetu ne’e sei faze serbisu fíziku, tanba foin lansa iha fulan kotuk, daudaun ne’e nia serbisu tomak atinje ona 31%, ne’ebé ita espera iha inísiu janeiru 2022 bele finaliza ona,” Sekretáriu Rejionál ba Asuntu Terra Propriedade, António Hermenegildo da Costa, informa ba Agência Tatoli, iha Santa Rosa, Oé-Cusse, segunda ne’e.

Iha sábadu semana kotuk, Prezidente Autoridade RAEOA, hala’o ona fiskalizasaun, hodi enkoraja empreza no traballadór sira atu aselera projetu ne’e.

Notísia relevante: PA RAEOA hatuur fatuk dahuluk konstrui moru Terra Propriedade

Jornalista         : Abílio Elo Nini
Editór               : Evaristo Soares Martins

PUBLISIDADEiklan

HAKEREK NO HATÁN

Please enter your comment!
Please enter your name here