Komandante Operasaun Nasionál PNTL, Superintendente Xefe, Pedro Belo ho Portavóz PNTL, Superintendente Xefe, Arnaldo de Araújo. Imajen Tatoli/Eugénio Pereira.

BOBONARO, 06 dezembru 2021 (TATOLI) – Komandu Jerál Polísia Nasionál Timor-Lste (PNTL) lideradu Komisáriu Faustino da Costa, segunda ne’e, enkontru ho komandante komandu munisípiu Bobonaro, Liquiçá, Covalima inklui komandante unidade sira hodi avalia progresu no dezafiu servisu ne’ebé la’o iha liña fronteira.

Durante enkontru oras haat nia laran, komandu jerál haree progresu lubuk ida mak ekipa serbisu konjunta fronteira sira halo tanba konsege trava ona movimentasaun no atividade merkadoria ilegál iha fronteira.

Maibé haree ba realidade maske polísia kontinua halo vijilánsia iha fronteira, komunidade sira nafatin uza loron boot hatama sasán kontrabandu.

Komandante Operasaun PNTL, Superintendente Xefe Pedro Bello, informa, hosi avaliasaun ne’e mak komandante jerál orienta polísia unidade sira komposta UPM  no COE atu kontinua reforsa UPF hodi aperta fronteira, liuliu tama iha selebrasaun loron boot Natál ho Tinan foun.

“Foin lais iha 28 novembru ema hotu konsentra ba iha loron boot nian, entaun ema ilegál aproveita loron ne’e hodi ultrapasa fronteira, tanba ne’e la kleur tán ita tama loron boot, entaun polísia unidade sira atu nafatin kontrola fronteira hodi mantein seguransa ba povu iha Natál ho tinan foun ho hakmatek,” nia informa ba jornalista sira, iha Bobonaro, segunda ne’e.

Jornalista         : Sérgio da Cruz

Editór               : Evaristo Soares Martins

PUBLISIDADEiklan

HAKEREK NO HATÁN

Please enter your comment!
Please enter your name here