Diretór Ensinu Sekundáriu Jerál Calixa Viqueque, Rosito Soares do Rosário. Imajen TATOLI/Vitorino Lopes da Costa

VIQUEQUE, 06 dezembru 2021 (TATOLI)–Diretór Ensinu Sekundáriu Jerál (ESJ) Calixa Viqueque, Rosito Soares do Rosário, hateten, estudante hosi eskola ne’e preparadu tuir ezame nasionál períodu 2021.

“Ami simu ona orientasaun hosi edukasaun munisípiu Viqueque kona-ba preparasaun pontu ezame lokál. Preparasun eskola nian, dahuluk hasai foto estudante finalista ne’ebé sei tuir ezame nasionál no hasai númeru ezame nasionál ba estudante. Ohin ami prepara fatin ba estudante sira iha eskola Calixa hodi semana oin bele tuir ezame,” Diretór ESJ Calixa, informa, ba Agência TATOLI, iha eskola Calixa, Beobe, segunda ne’e.

Tuir Responsável eskola ne’e, iha momentu períodu serka sanitária, atividade eskola paradu no hafoin loke fali, eskola halo rezumu manuál ezame nasionál ba estudante sira hodi estuda.

Aleinde ne’e, iha tinan 2021 opta ezame nasionál modelu A no B, nune’e munisípiu Viqueque aplika modelu B, ne’ebé akumula matéria hosi klase 10 iha 50%, klase 11 iha 25% no klase 12 iha 25%.

“Kandidatu ba ezame nasonál hosi ami-nia estudante siénsia no teknologia hamutuk na’in-72 no siénsia sosiál na’in-116,” nia akresenta.

Nune’e, nia husu estudante sira atu esforsu-an no foku estuda hodi partisipa iha ezame nasionál hodi hetan valór di’ak.

Jornalista : Vitorino Lopes da Costa

Editora     : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here