Vasina Pfizer Covid-19. Imajen TATOLI/António Gonçalves

DILI, 06 dezembru   2021 (TATOLI)—Ministeriu Saúde  relata, ohin, kazu detetadu pozitivu foun laiha, rekuperadu ida no kazu ativu haat.

”Kazu detetadu foun ohin laiha, rekuperadu ida no ativu haat,” Diretora Jerál Prestasaun Saúde iha Ministeriu Saúde,  Odete da Silva Viegas , hateten liuhosi nota ne’ebé Agência TATOLI asesu segunda ne’e.

Nune’e, hahú 21 marsu 2020 to’o 06 dezembru  2021 iha kumulativu kazu konfirmadu 19.828 no óbitu 122.

Hosi horisehik mai ohin, Laboratóriu Nasionál Saúde halo teste PCR 101, kompostu vijilánsia sentinela laiha, rastreiu ba kontaku laiha, rastreiu aleatóriu ida , viájen internasionál na’in 100 , follow up iha kuarentena laiha.

Alende ne’e, totál teste PCR ne’ebé halo iha 05 dezembru  iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 91, hanesan Maubisse tolu, Maliana lima, Viqueque laiha , Suai sia  , Baucau laiha, Ermera la iha, RAEOA 16 , HNGV 58, Lautém laiha, Vera Cruz laiha.

Populasaun elijível tinan 18 ba leten, ne’ebé simu ona vasina to’o iha loron 06 dezembru , tuir sistema informasaun Saúde iha Ministériu Saúde, hanesan kumulativu 1ª doze iha Dili (86,6%) no kumulativu 2ª doze iha Dili (77,5%).

Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 81,7% no simu ona doze daruak 61,3%.

Hosi insidénsia COVID-19 iha Timor-Leste, durante loron hitu ikus maka 0,1/100 mil abitante,

Iha loron  03 dezembru 2021, izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu la iha , moderadu la iha no kaman na’in la iha.

Notísia Relevante: COVID-19: kazu detetadu foun ida no ativu neen

Jornalista : Felicidade Ximenes

Editór        : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here