Tékniku EDTL, E.P halo instalasaun eletrisidade iha área Comoro, kinta (04/03). Imajen TATOLI/António Gonçalves

MANUFAHI, 03 dezembru (TATOLI) – Aldeia tolu (3) iha suku Kaimauk, postu administrativu Turiskai, munisípiu Manufahi, seidauk asesu eletrisidade.

Xefe Suku Kaimauk, Marcelino Mendonça, informa suku Kaimauk iha aldeia lima, aldeia rua asesu ona eletrisidade no aldeia tolu maka seidauk asesu eletrisidade.

“Iha suku Kaimauk iha aldeia Fua no Railete maka asesu ona liña eletrisidade, aldeia tolu hanesan Risu,  Olimau no  Ora  ho uma-kain 50 maka seidauk asesu eletrisidade to’o agora,” Xefe suku Kaimauk informa ba Agência Tatoli, iha suku Kaimauk, Turiskai, sesta ne’e.

Tanba ne’e, nia husu ba Governu atu toma atenssaun ba  preokupasaun ne’e,  labele husik nune’e hela de’it, tanba Timor-Leste ukun aan  tinan barak , maibé roblema eletrisidade Governu ladauk rezolve iha área rurál.

Nia dehan, kondisaun estrada hosi suku Kaimauk, Turiska liga ba Same Vila grave liu no kondisaun estrada ne’e difikulta komunidade sira labele lori produtu lokál ba Same Vila.

“Ita-boot sira haree kondisaun estrada hosi suku Kaimauk, Turiskai ba  ba Same Vila no ba nasionál susar tebes, difikulta ami-nia komunidade sira atu lori sira-nia produtu ba merkadu, no  kondisaun dalan mós difikulta inan isin-rua atu partu. Problema ne’e ha’u hato’o ba munisípiu no nasionál  maibé seidauk iha resposta,” Suku suku Kaimauk informa.

Preokupasaun ne’e, Administradór Munisípiu Manufahi, Arantes Isaac Sarmento, hato’o ona ba Ministériu Obra Públika (MOP).

“Foin daudaun Ministru Obras Públika mai vizita  iha Manufahi, inaugura estrada rurál ida iha Manufahi, ha’u hato’o preukupasaun ne’e ba nia, nia responde katak estrada hosi Tutuluru ba Turiskai tama ba iha planu 2022 nian no dezeñu kompletu ona,” nia katak.

Enkuantu, suku   Kaimauk iha aldeia lima hanesan Fua, Railete, Risu, Olimau no Oraho uma-kain100 no totál populasaun 1.050.

Jornalista         : Natalino Costa

Editór               : Evaristo Soares Martins

PUBLISIDADEiklan

HAKEREK NO HATÁN

Please enter your comment!
Please enter your name here