Xefe suku Ossoroa, Eduardo de Araújo Freitas. Imajen TATOLI/Vitorino Lopes da Costa

VIQUEQUE, 03 Dezembru 2021 (TATOLI)–Xefe suku Ossoroa, postu administrativu Ossu, munisípiu Viqueque, Eduardo de Araújo Freitas, informa, progresu kontrusaun Uma Kbiit Laek (UKL) iha aldeia Fatudere atinje ona 50%.

“Konstrusaun UKL iha ha’u-nia suku iha uma tolu, hahú tau ona pondasi, batako hada to’o ona iha sinta jerál, ne’ebé traballdór sira fui hotu ona. Bele dehan atinje ona 50%,” Líder Komunitáriu hateten ba Agência TATOLI, iha postu admistrativu Ossu, sesta ne’e.

Tuir Xefe suku, durante prosesu kontrusaun uma, traballadór sira hasoru dezafiu hanesan mudansa klimátika, tanba dala ruma udan halo materiál konstrusaun to’o tarde iha terrenu.

Konsellu suku hamutuk ho Programa Nasionál Dezenvolvimentu Suku (PNDS) mak halo kompra direta materiál konstrusaun uma.

“Tanba ne’e maka sai difukuldade ba traballadór sira, maibé dezafiu sira ne’e la sai obstákulu ba sira. Ha’u fiar katak fulan-dezenbru ne’e bele tama ona faze finál,” nia akresenta.

Aleinde ne’e, Eduardo de Araújo dehan, família tolu ne’ebé sai benefisiáriu ba UKL iha suku ne’e ho kondisaun vulnerável tebes, tanba ne’e sira marese hetan uma.

Jornalista : Vitorino Lopes da Costa
Editora     : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here