Orariu jogu Primeiru Divizasaun LFTL. imajen/ LFTL

DILI, 03 dezembru 2021 (TATOLI)– Treinadór prinsipál AS Ponta Leste, Francisco de Araujo,  hateten, sira sei halo jogu presaun makas hasoru AD SLB Laulara iha jornada dahaat Liga Futeból Timor-Leste (LFTL) ne’ebé sei hala’o,  domingu (05/12) iha Estádiu Munisipál Dili.

“Ita haree SLB ekipa ida ne’ebé forte tebes, entaun ha’u sei uza estratéjia ne’ebé di’ak oinsa hamate sira nia jogu,  liuhosi estratéjia halo presaun makas ba SLB, nune’e sira labele iha oportunidade hatama golu iha minutu sira primeiru no ikus. Tanba ita haree SLB nia jogu ne’e iha minutu sira ikus ne’e mak sira foin halo buat ruma iha ne’ebá,” Treinadór Ponte Leste ne’e hateten ba ba jornalista-sira iha edifisiu LFTL Dili, sesta ne’e.

Notísia Relevante: Ponta Leste manán Lalenok 1-0

Tanba, iha jogu rua liu ona Ponta-Leste hatudu prestasaun jogu ne’ebé di’ak, nune’e kontinua mantein nafatin performe ne’ebé iha hodi gaña vitória iha jogu ne’e.

Iha biban hanesan, Treinadór AD SLB, Efrem Jerónimo, hateten, SLB preparadu atu hamate Ponta Leste nia jogu, maibé jogu minutu 90 mak sei termina.

“Hanoin ekipa hotu preparadu atu hatudu jogu, Ami hanoin jogu durante minutu 90 iha kampu-laran mak sei termina vitória ba ekipa rua,” nia afirma.

Entretantu, tabela klasifikasaun provizóriu, daudaun lidera hosi Karketu Dili FC ho pontu hitu, daruak AS Ponta Leste ho pontu neen, AD SLB Laulara ho pontu haat, Lalenok ho pontu tolu, Aitana ho pontu ida no ikus liu DIT ho pontu mamuk.

Notísia Relevante:  SLB – Aitana fahe pontu iha jornada daruak

Jornalista : Hortencio Sanchez

Editór      : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here