Membru Governu no membru Parlamentu Nasionál hala'o debate jeneralididae ba proposta Orsamentu Jerál Estadu (OJE) 2022, iha sala plenária PN, sesta (03/12). Imajen TATOLI/Francisco Sony.

DILI, 03 dezembru 2021 (TATOLI)—Primeiru-Minsitru, Taur Matan Ruak, agradese ba kontribuisaun no dedikasaun Parlamentu Nasionál nian ba debate proposta lei Orsamentu Jerál Estadu (OJE) 2022 iha faze jeneralidade.

Notísia Relevante: PN aprova proposta OJE 2022 iha jeneralidade

“Hanesan Xefe Governu hakarak aproveita oportunidade ne’e hodi fó agradese ba Prezidente Parlamentu Nasionál  no Vise-Prezidente ho deputadu no deputada sira ninia dedikasaun  hodi hariku no harame diskusaun orsamentu tinan oin nian iha jeneralidade ne’e,” PM Taur hato’o  liafuan agredesimentu iha ámbitu  diskusaun no aprovasaun proposta OJE 2022 iha plenária, sesta ne’e.

Xefe Governu hateten, Governu hatene katak mudansa hotu-hotu ne’ebé sei akontese iha Timor-Leste sei la fasil no sei bele akontese no sei iha kontribuisaun hosi parte hotu-hotu nian.

Hanesan mudansa sira ne’ebé hala’o daudaun iha finansa públika hodi hili orsamentu modelu kda progama no rezultadu sei ajuda tebes uza Timor-Leste nia rekursu ho forma sustentavel ba benefisia povu no nasaun tempu naruk oin mai.

“Governu aponta preokupasaun hotu-hotu ne’ebé aprezenta hosi deputadu no deputada sira durante debate jeneralidade no promote kontinua hametin parseira ho Parlamentu Nasionál, sosiedade sivíl no parseiru dezenvolvimentu sira,” nia hateten.

PM Taur hateten, debate iha espesialidade sei tuir Governu promete atu kontinua fó kontribuisaun ne’ebé bele akomoda preokupasaun no kontribuisaun hotu-hotu sei aprezenta to’o aprovasaun finál global.

Notísia Relevante: PM otimista OJE 2022 momentu importante reajusta PED 2011-2030

Jornalista : Nelson de Sousa

Editór       : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here