Dadus moras sira hosi sentru saude munisipiu Aileu. imajen/ espesial

DILI, 03 dezembru 2021 (TATOLI)— Diretór Servisu Saúde Munisípiu Aileu, Júlio dos Santos, informa, iha fulan-novembru, rejista pasiente ho moras infesaun vias respiratóriu (ISPA) hamutuk 31.757 no diaréa 4.509

“Novembru, ita  rejista pasiente ho moras ISPA hamutuk 31.757, husi númeru ne’e maioria labarik hanesan  ho tinan-ida mak mane 1.810 no feto 1.726, labarik tinan ida to’o tinan haat, mane 3.744 no feto 3.779. Entuantu idade lima to’o 14 mak mane 205 no feto 2.841, no ema idade 15 ba leten mane 5.752 no feto 10.054,” Diretór Saúde Munisípiu Aileun ne’e, hateten ba Agência TATOLI via telefónika, sesta ne’e.

Alende ne’e, rejista mós pasiente ho moras diaréa 4.509, diarea ho ran 105, pneumonia 1.099, isin katar 556, moras kulit seluk 1.590, asidente tráfegu 240 no asidente seluk 964.

Tuir nian, dadus relata hosi postu saúde 12 no sentru saúde haat iha munisípiu Aileu iha fulan-novembru.

Maski nune’e, Servisu Saúde Munisípiu Aileu provizóriu seidauk rejista moras dengue, maibé  hahú kampaña munisipál liuhosi mobile clinic ba komuniddae sira  atubele hamoos  uma hun no lixu sira atu prevene an hosi moras ne’e.

‘’Ami kontinua halo fahe informasaun ba komunidade sira atu hamoos uma hun, bee nalihun iha roda, lata aat sira atubele halo prevensaun sedu ba moras dengue,’’ Diretór ne’e husu.

Notísia Relevante: Sentru Saúde Ermera Vila rejista pasiente ISPA 9.769

Jornalista : Felicidade Ximenes

Editór        : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here