Ministru Ensinu Superiór, Siénsia no Kultura, Longuinhos dos Santos. Imajen TATOLI/Francisco Sony

DILI, 03 dezembru 2021 (TATOLI)–Ministériu Ensinu Superiór Siénsia no Kultura (MESSK) planeia iha tinan 2022 sei loke tan vaga 1.000 ba estudante kbiit laek sira iha territóriu nasionál, atu kompete iha programa rejime bolsa hakbiit hodi asesu ba ensinu superiór.

Ministru Ensinu Superiór Siénsia no Kultura, Longuinhos dos Santos, relata, totál vaga ba rejime bolsa hakbiit ne’ebé ministériu planeia ona tenke atinje 3.000 iha tinan-tolu nia laran, nune’e iha balansu entre família ho ekonomia sufisiente no mínimu hetan oportunidade hanesan.

“Tinan ne’e ita hahú ona ho benefisiáriu bolsa hakbiit 910, tinan oin ita hakarak kontinua tan ho 1.000,” Ministru informa iha Parlamentu Nasionál (PN), sesta ne’e.

Notísia relevante: FDCH ho IESPP-sira asina MoU apoia bolsa hakbiit ba benefisiáriu 910

Nune’e, ministériu sei loke tan vaga 1.090 iha tinan 2023 ba estudante kbiit laek, nune’e bele atinje meta.

“Rejime bolsa hakbiit ne’e programa foun ne’ebé MESSK kria iha tinan 2021, ne’ebé loke oportunidade estudante sira ne’ebé ho família laiha forsa atu apoiu fundu ba oan sira atu kontinua ba universidade,” governante ne’e esplika.

Tanba ne’e, MESSK ho polítika ne’ebé iha, integra programa rejime bolsa hakbiit ne’e hamutuk ho rejime jerál no rejime oportunidade atu estabelese hamutuk hodi sai pakote ida no anunsia rezultadu hamutuk.

Jornalista : Tomé Amado  

Editora     : Julia Chatarina

PUBLISIDADE HUSI MTCIiklan

4 KOMENTÁRIU

  1. Ha’u nia naran kompletu,Pedro João Da Costa ,husi Baucau/Baguia/Lavateri,moris iha Loron 08/12/2002 ,Oan ki’ak husi familia João Da Costa no Palmira Pereira,daudaun ne’e hala’o hela ha’u nia estudu iha ESG.5 de Maio ,Becora,Dili , ho klasse 12•_ano programa CT (Ciência e Tecnologias),iha tinan ida nee atu passa ba ensinu superior no hakarak tebes atu kontinua ha’u nia estudu, maibe ho ekonomia neebe mak fraku ha’u husu tulun ka ajuda ba ha’u nia Na’i Ministeriu Ensino Superior Siénsia no Kultura(MESSK) nian ,se bele ajuda netik ha’u hodi ha’u bele kontinua hala’o ha’u nia estudu,tamba ha’u nuudar Oan ki’ak ka kbiit la’ek maibe ha’u iha interese duni atu kontinua hala’o ha’u nia estudu😊🙏.
    Ida nee mak hanesan ha’u nia rekomendasaun no la haluhan hato’o ha’u nia agradese wa’in ba ita-boot sira nia atensaun🙏

  2. Exclentisimas senhores/as
    Ha’u nu’udar Oan ki’ak husi Aman João Da Costa(matebian) no inan Palmira Pereira(agrikultura) ,Ha’u husi Baucau/Baguia/Lavateri moris iha loron 08/12/2002 ,daudaun ne’e ha’u hala’o hela ha’u nia estudu iha EsG 5 de Maio Becora,Dili ho klasse 12•_ano programa CT(Ciências e Tecnológias),iha tinan ida ne’e atu passa ba ensinu superior ona no hakarak tebes atu kontinua ha’u nia estudu maibé ho ekonomia neebe la sufisiente ba ha’u nia nesesidade neebe ha’u senti triste oituan tamba ne’e ha’u husu tulun no ajuda ba ha’u nia Na’i FDCH no MESSK se bele ajuda netik ha’u ,atu ha’u bele kontinua nafatin ha’u nia estudu iha ensinu superior 😊🙏
    Ida nee mak ha’u nia rekomendasaun no la haluhan hato’o ha’u nia obrigado wa’in ba ita boot sira nia atensaun🙏

  3. Hanesan estudante hakarak rekomenda ba ministro ensinu superior apoiu family kbiit laek nebe laiha nesesidade atu supporta oan sira atu kontinua estudu iha universidade bele Buka sulusaun Buka survei ba iha Universidade sira.

  4. Hau nia naran mario da costa..
    Desde remata uh 2018 agr dadaun la kontinua estudu tmb ekonomia uma laran la suporta..
    Krk progrma nmk konsege lao duni hw husu ho haraik an,ida mk hw,10culpa oinsa mk atu asesu ladun kmprnde..
    Krk iha bele liga mau nomor 76375227🙏🙏🙏🙏
    Deskulpa hato.o ho modelu ida ne,tmb lakon imformasaun detallho

Leave a Reply to Pedro João Da Costa Cancel reply

Please enter your comment!
Please enter your name here