Ministru Finansa, Rui Augusto Gomes. Imajen TATOLI/António Gonçalves

DILI, 03 dezembru 2021 (TATOLI)—Ministéru Finansa (MF), Rui Agusto Gomes, hateten Governu propoin tetu orsamentu iha 2022 ho emprestimu millaun $410 no hakarak buka empréstimu konsensionál ka baratu.

Notísia Relevante: Komisaun C rekomenda pontu importante 16 ba Governu no sia ba PN

“Ba tinan 2022, Governu propoin tetu orsamentu empréstimu millaun $410 konserteza sujeita ba aprovasaun na’in deputadu sira-nian no buka impréstimu sira-ne’ebé baratu ka konsensionál,’’ Ministru Finansa hateten iha ámbitu debate prosposta lei OJE 2022 iha faze jeneralidade ba loron datoluk hodi responde rekomedasaun komisaun C, iha Parlamentu Nasionál, sesta ne’e.

Nia hateten, rejime jurídika dívida públika ne’ebé orienta servisu Ministéiru Finansa nian lei númeru 13/2011, haktuir ba kualkér impréstimu ne’ebé Governu atu negósia tenke buka impréstimu sira-ne’ebé baratu ka konsensionál.

“Ida-ne’e mak Governu tenke halo durante ne’e no kustu empréstimu ne’ebé kiik katak servisu ba selu empréstimu kompara ho retornu ne’ebé tama hosi fundu mina-rai,” nia dehan.

Governante ne’e hateten, kumpre hosi objetivu empréstimu atu finansia investimentu relasiona ho infraestrutura ne’ebé estratéjiku.

Nia fó sai katak, agora dadaun Timor-Leste nia rasiu dívida kompara ho produtu internu brutu sei kiik hela kompara ho bareira ne’ebé FMI tau mak 30% tantuTimor-Leste nia rasiu 21%, no prozesaun ba 2022 rasiu divída ida-ne’e tenta atu mantén iha 21%.

“Negosiasaun impréstimu sira-ne’ebé Ministéiru Finansa halo tenta atu buka impréstimu konsensionál no periódu karensia entre tinan lima to’o 10 no periódu amortizasaun tinan 40,” nia dehan.

Purtantu, ida-ne’e mak MF halo durante ne’e no halo oinsá mak to’o faze negosiasaun ho instituisaun sira-ne’ebé atu empréstimu mak primeiru define projetu infraestrutura estratéjiku tuir planu dezenvolvimentu estratéjiku 2011-2030 nian.

Hafoin hakat ba estudu tékniku inisia koordenasaun ho doadór sira potensiál interese atu fó osan impréstimu.

MF sei aprezenta projetu sira ba Konsellu Ministru (KM) hodi halo apresiasaun no aprovasaun hotu mak aprezenta mai iha Parlamentu Nasionál, maizumenus ba tetu impréstimu hakarak ba tinan fiskál.

“Nune’e MF reprezenta Governu ho instituisaun komesa negosiasaun intensivu liután atu haree impréstimu sira-ne’e konsensionál ka lae,” Ministru Rui Gomes hateten.

MF mós sei aprezenta ba Tribunál Konta dokumentu impréstimu tomak atu halo vistu préviu hodi hakat asinatura no prenxe kondisaun sira seluk.

Enkuantu akordu empréstimu ne’ebé Governu TL asina tiha ona to’o iha 16 novembru ne’e hamutuk millaun $452,71. Ida-ne’e konta de’it impréstimu sira-ne’ebé tama tiha ona efetivu no projetu implementa hela.

Nia dehan, pasu dezenbolsu hosi montante ne’ebé millaun $204,6, ekivalente 54% atu finansia projetu hamutuk 17 ne’e, daudaun ne’e implementa hela.

“Hosi 2012 to’o 2021, totál impréstimu ne’ebé asina tiha ona akordu hamutuk millaun $514,58  no agora hamutuk millaun $19,3 ne’ebé selu daudaun ho ekivalente 2,9% hosi produtu internu brutu,” nia dehan.

Jornalista : Nelson de Sousa

Editór       : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here