Asistente Treinadór Jacinto Belo, (karuk) no Kapitaun, Feliciano Goncalves (liman-loos). Imajen/ Hortencio Sanchez

DILI, 03 dezembru 2021 (TATOLI)— Asistente Treinadór DIT FC, Jacinto Belo, informa, klube otimista manán Karketu FC hodi haksoit sai hosi zona mean iha tabela klasifikasaun provizóriu  ho pontu zero, iha nia jogu dala-haat kontra Liga Futeból Timor -Leste (LFTL) ne’ebé sei akontese sábadu (04/12) iha Estádiu Munisipál Dili.

“Ita hotu hatene DIT iha nia jogu tolu tutuir malu la rekolla pontu ruma, maibé sei iha oportunidade mai ami atu sai hosi zona mean, entaun ami sei hakas an kontra Karketu hodi manán atubele mantein nafatin iha primeira divizaun iha tinan ne’e. Ami esforsu atu mantein nafatin iha primeira divizaun no labele tun ba segunda divizaun,” Asistente Treinadór DIT FC ne’e hateten ba jornalista-sira iha edifisiu LFTL Dili, sesta ne’e.

Notísia Relevante: Manán DIT 3-1, Assalam haksoit sai hosi zona mean

Nune’e mós, Kapitaun DIT, Feliciano Goncalves, afirma, DIT falla iha liña klaran,  nune’e mak halo jogu tolu liu ona ekipa ne’e tenke derrota.

“Jogu sira liu ona ne’e ami lakon iha lina klaran nian maibé treinadór orienta ona ami durante halao treinamentu no ami antisipa di’ak hotu ona fallansu hirak ne’e, ami fiar hasoru Karketu ami sei manán,” dehan jogadór numeru kamijola 19 ne’e.

Iha biban ketak, Elizeu Isaac hateten ba Agência TATOLI, katak Kerketu preparadu hasoru DIT no kompromete sei manán hodi save metin pontu tolu.

“Ami preparadu hodi kompete ho tarjetu mak tenke manán atubele prepara ba kampiaun nian, iha jogu terseiru hasoru SLB.  Ami nia jogadór Buateng (7) hetan kartaun mean entaun iha difikuldade, maibé ami iha ona estratéjia atu jogadór seluk taka Buateng nia fatin,” Elizeu garante.

Notísia Relevante: Karketu “mehi” sai kampiaun iha jogu primeira divizaun

Jornalista : Hortencio Sanchez

Editór       : Florencio Miranda Xiemenes

PUBLISIDADEiklan

HAKEREK NO HATÁN

Please enter your comment!
Please enter your name here