Prezidente Konsellu Administrasaun APORTIL, Flávio Cardoso Neves. Imajen TATOLI/António Gonçalves

DILI, 02 dezembru 2021 (TATOLI)—Iha ámbitu garante konetividade marítima, daudaun ne’e ró Ataúro Express no Bintang Samudra 8 halo movimentu ba-mai hosi Dili-Oé-cusse-Ataúro.   

 “Konetividade via marítima normál hela, tanba foin lalais loron matebian-finadu ne’e utiliza provizóriu rekursu sira ne’ebé iha, hanesan ró Ataúro Express no Bintang Samudra 8. Espera iha loron boot natal no tinan foun mai, ró foun Berlin-Ramelau bele fasilita ona konetividade via marítima,” Prezidente Konsellu Administrasaun Autoridade Portuáriu Timor-Leste, Institutu Públiku (APORTIL, I.P), Flávio Cardoso Neves, informa ba Agência TATOLI, via telefónika, kinta ne’e.

Notísia relevante: APORTIL aprosima dirijente ró halo operasaun Dili bá Oé-cusse no Ataúro

Daudaun ne’e viajen Dili-Oéicusse semana ida tula kargu dala-ida no pasajeiru dala-ida.

“Ami haree kargu mak barak maibé pasajeiru ladún barak, ne’ebé semana ida dala-ida ne’e sufisiente,” nia akresenta.

Enkuantu, kapasidade ró Bintang Samudra 8 atu tula karga hosi tonelada 800 to’o 1.000, hanesan veíkulu kiik 40 no boot 30, enkuantu ró Ataúro Express bele tula pasajeiru 100-resin no labele tula karga.

Jornalista : Antónia Gusmão

Editora     : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here