Mediku sira Vasina Pfizer Covid-19 dose daruak ba estudante sira iha iha escola Maria Auxilidora Comoro Dili 30/11/2021.Imajen TATOLI/Antonio Goncalves

DILI, 02 dezembru   2021 (TATOLI)—Ministeriu Saúde  relata, ohin,  kazu detetadu foun ida , rekuperadu ida no kazu ativu lima.

”Kazu detetadu foun ohin  ida ativu lima,” Diretora Jerál Prestasaun Saúde iha Ministeriu Saúde,  Odete da Silva Viegas , hateten liuhosi nota ne’ebé Agência TATOLI asesu sabadu ne’e.

Nune’e, hahú 21 marsu 2020 to’o 02 dezembru  2021 iha kumulativu kazu konfirmadu 19.826 no óbitu 122.

Hosi horisehik mai ohin, Laboratóriu Nasionál Saúde halo teste PCR 22, kompostu vijilánsia sentinela laiha, rastreiu ba kontaku  laiha, rastreiu aleatóriu hitu , viájen internasionál na’in 12 , follow up iha kuarentena tolu.

Alende ne’e, totál teste PCR ne’ebé halo iha 01 dezembru  iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 54, hanesan Maubisse ida Maliana sia, Viqueque la iha , Suai  13 , Baucau hitu, Ermera laiha, RAEOA rua , HNGV 22, Lautém laiha, Vera Cruz laiha.

Populasaun elijível tinan 18 ba leten, ne’ebé simu ona vasina to’o iha loron 02 dezembru, tuir sistema informasaun Saúde iha Ministériu Saúde, hanesan kumulativu 1ª doze iha Dili (86,5%) no kumulativu 2ª doze iha Dili (77,1%).

Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 81,4% no simu ona doze daruak 60,5%.

Hosi insidénsia COVID-19 iha Timor-Leste, durante loron hitu ikus maka 0,1/100 mil abitante,

Iha loron  02 dezembru 2021, izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu la iha , moderadu la iha no kaman na’in la iha.

Jornalista  :  Felicidade Ximenes

Editór        : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here