Reprezentante Administradór Munisípiu Covalima, Afonso Nogueira Nahak. Imajen Tatoli/Celestina Teles.

COVALIMA, 02 dezembru 2021 (TATOLI)—Reprezentante Administradór Covalima, Afonso Nogueira Nahak informa, Covalima seidauk implementa projetu PDIM 2 tanba kestaun tékniku entaun projetu Planu Dezenvolvimentu Integradu Munisipál (PDIM).

Notísia Relevante: Projetu PDIM Covalima prioridade konstrui rezidénsia administradór-edifisiu PA

Bazeia ba Planu Dezenvolvimentu Integradu Munisipál (PDIM) foun tinan 2021 munisípiu Covalima prioridade ba konstrui Rezidénsia Administradór (RA) no edifísiu Postu Administrativu (PA) Maucatar ho lutu (moru) haleu maibé seidauk implementa.

“Tinan 2021 ita iha Projetu PDIM 2 ne’ebè seidauk implementa, tanba kestaun estrutra rai atu halo konstrusaun edifísiu postu administrativu Maucatar ne’ebè ita sei rezolve iha tempu badak,” Afonso Nogueira Nahak informa ba Agência Tatoli, iha salaun Famíli Resto, Covalima, kinta ne’e. 

Kona-ba konstrusaun rezidénsia administradór munisípiu Covalima ne’e kona-ba rai laiha problema, maibé administradór ho kompañia presiza atu rezolve problema externál hafoin bele implementa 

Ho problema hirak ne’e, nia hateten projetu PDIM 2 ba 2021 maske agora tama ona ba fulan-dezembru, maibé munisípiu Covalima seidauk halo imlmentasaun no hein katak iha tempu badak bele realiza.

Administradór Postu Administrativu Maucatar, Sebastião Guterres hateten, tuir loloos konstrusaun edifisiu Postu Administrativu Maucatar kompañia hahú ona halo konstrusaun maibé tanba problema estrutura rai, entaun to’o agora seidauk bele realiza. 

“Ami identifika rai foun ne’ebé oferese hosi komunidade sira. Tuir lolos kompañia hahú ona konstrusaun maibé kestaun estrutura rai to’o ohin loron seidauk konstrui,” nia dehan.

Tanba ne’e, administradór postu administrativu Maucatar sei hein administradór Munisípiu Covalima Francisco de Andrade atu identifika fali rai foun atu kompañia hahú ona halo konstrusaun ba edifísiu foun.

Tuir livru 3B Orsamentu Jerál Estadu (OJE) tinan 2021, Munisípiu Covalima prevee konstrusaun rezidénsia Administradór Munisípiu Covalima hamutuk $262,570 no konstrusaun Edifísiu Postu Administrativu Maucatar ho moru haleu hamutuk $179,438.

Jornalista : Celestina Teles

Editór      : Cancio Ximenes 

PUBLISIDADEiklan

HAKEREK NO HATÁN

Please enter your comment!
Please enter your name here