Ilustrasaun Dengue. Imajen/Espesiál

VIQUEQUE, 01 dezembru 2021 (TATOLI)-Xefe Sentru Saúde postu Viqueque Villa, Celestina da Costa Alves, hateten, daudaun tempu udan komunidade tenki halo prevensaun ba moras denge.

“Maski ohin loron tempu udan no ita seidauk rejista númeru kazu denge iha sentru saúde, maibé ami nafatin apela ba komunidade atu halo prevensaun ba moras denge,” Xefe Sentru Saúde informa ba Agência TATOLI, iha internamentu, Beloi, kuarta ne’e.

Tuir Celestina, maneira halo prevensaun ba moras denge maka presiza halo limpeza baleta, bee sira ne’ebé iha vazu ai-funan atu susuk labele tolun no aruma roupa sira, nune’e mós bainhira toba tenki uza moskeiteiru.

“Efeitu moras denge perigu liu ba labarik kiik sira-nia vida. Tanba ne’e, inan no aman sira tenki halo prevensaun ba oan sira,” nia akresenta.

Aleinde ne’e, Sentru Saúde Viqueque Villa to’o agora seidaúk rejista kazu denge ruma tanba ne’e parte saúde nafatin fó hanoin ba komunidade halo limpeza iha ida-idak nia fatin.

Jornalista : Vitorino Lopes da Costa

Editora     : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here