Xefe PNTL-VPU Viqueque, Primeiru Sargentu Polísia, Ermerensiana Soares Trindade. Imajen TATOLI/Vitorino Lopes da Costa

VIQUEQUE, 01 dezembru 2021 (TATOLI)—Polísia Nasionál Timor-Leste (PNTL) hosi Unidade ema Vulnerável (VPU) rejista kazu hamutuk 111 iha Viqueque, hosi janeiru to’o novembru.

“Entre kazu sira ne’e, númeru boot mak viólensia doméstika simples no kazu seluk. Kazu tentative omesidu hanesan kazu ne’ebé akontese iha postu Lacluta, feto ida halo violénsia hasoru ninia katuas-oan, oras ne’e tama ona prizaun preventiva. Hosi kazu sira ne’e, entidade sira hato’o ba ami no ami rejista hotu maka entrega ba Ministériu Públiku (MP),” Xefe PNTL-VPU Viqueque, Primeiru Sargentu Polísia, Ermerensiana Soares Trindade, hateten, ba Agência TATOLI, iha postu Viqueque villa, kuarta ne’e.

Kona-ba atendementu VPU, banhira entidade mai hato’o iha unidade, maka sei rejista hafoin manda ba MP.

“Dezafiu ne’ebé unidade hasoru maka limitasaun transporte hodi fasilita serbisu, maibé parte PNTL-VPU Viqueque iha kompromisu hodi hala’o knaar ho di’ak, maski ho limitasaun transporte la sai obstákulu ba unidade ne’e hodi ezerse ninia funsaun,” nia akresenta.

Jornalista : Vitorino Lopes da Costa

Editora     : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here