Komadante PNTL munisípiu Viqueque, Supertendente Polísia, Sebestião Alves Quintão. Imajen TATOLI/Vitorino Lopes da Costa

VIQUEQUE, 01 dezembru 2021 (TATOLI)–Komadante Polísia Nasionál Timor-Leste (PNTL) munisípiu Viqueque, Superetendente Polísia, Sebestião Alves Quintão, hateten, daudaun ne’e halo ona mundansa estrutura ba komadante eskuadra postu atu  garante seguransa ba Eleisaun Prezidensiál 2022.

“Mudansa estrutura ba postu lima atu garante  seguransa forma hotu, nune’e ba oin PNTL Viqueque hahú planu no preparasaun halo seguransa festa demokrasia,” Supertendente Polísia, Sebestião Alves Quintão, hateten ba Agência TATOLI, hafoin ramata pose ba Komandante Eskuadra postu Viqueque villa,  iha edifísiu Eskuadra Postu, Viqueque villa, kuarta ne’e.

Komandu PNTL Viqueque akompaña pose ba Komadante foun Eskuadra postu Viqueque Villa, Inspetór Asistente Polísia, Venseslau Moreira de Oliveira Freitas.

“Ha’u nu’udar komadante atu hametin serbisu entre Komadante Eskuadra no membru sira ba espíritu unidade patriotízmu hodi garante estabilidade,” nia akresenta.

Komadante sesante Eskuadra postu Viqueque villa Insetór Polísia Gaspar Pinto, asume fali knaar nu’udar Xefe Operasaun munisípiu Viqueque

“Ba postu lima ne’e, ita halo mudansa ba Komadante Eskuadra hotu. Estrutura Komandu munisípiu Viqueque ita prontu ona tanba ita haree komandu iha nível munisípiu to’o Eskuadra postu, ita forma feitu hotu. Tanba ne’e, ita ho estrutura foun ne’e bele fortifika liután seguransa ba eventu boot,” nia tenik.

Enkuntu, Komadante Eskuadra postu Viqueque villa, antes ne’e asume knaar nu’udar Xefe tránzitu munisípiu Viqueque.

Iha oportunidade ne’e, Komadante Eskuadra postu Viqueque, Inspetór Asistente Polísia, Venseslau Moreira de Oliveira Freitas, hateten, nia parte asume kargu responsável ne’ebé mai hosi Komandu atu kumpre dever no responsável garante estabilidade iha postu Viqueque Villa.

“Pose ne’ebé ohin ha’u simu hanesan parte responsável hosi Komandu, bainhira Polísia ida simu orden, nia tenki kumpre hodi garante seguransa. Atu garante estabilidade iha postu Viqueque villa presiza ema hotu ninia kontribuisaun no serbisu hamutuk,” nia dehan.

Jornalista : Vitorino Lopes da Costa

Editora     : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here