Papa Francisco. Imajen Espesiál

DILI, 01 dezembru 2021 (TATOLI)—Santu Papa Francisco felisita Prezidente Repúblika no Povu Timor-Leste tomak ba selebrasaun Loron Proklamasaun Independénsia 28 Novembru ba dala-46 (28 novembru 1975-28 novembru 2021).

Notísia Relevante: Don Virgílio seidauk simu komunikasaun ofisiál Papa Francisco vizita Timór

Liuhosi karta ne’ebé hakerek no dirije ba Prezidente Repúblika iha 28 novembru 2021, iha Sidade Vatikanu, Amu Papa Francisco hato’o felisitasoens cordias ho votu kresente armonia no dezeja futuru ida hakmatek no ksolok ba timor-oan hotu.

“Ba okaziaun loron Timor-Leste nian, ha’u aprezenta ba Prezidente Republika no Povu felisitasoens cordias ho votu kresente armonia no kooperasaun ho kbiit moris nian, dezeja futuru ida hakmatek no ksolok ba timor-oan hotu-hotu bele hetan protesaun aas ba beibeik,” refere nota imprensa ne’ebé Agencia Tatoli asesu hois Palásiu Prezidensiál Nicolau Lobato, Bairru Pite, Dili, kuarta ne’e.

Santu Papa iha fulan juñu 2021 konfirma nia intensaun atu vizita Timor-Leste, hato’o liuhosi nia reprezentante Santa Sé iha Timor-Leste, Monseñor Marco Sprizzi, bainhira halo audiénsia ho Prezidente Repúblika, Francisco Guterres Lú olo.

Amo Papa nia vizita mai Timor-Leste depende ba evolusaun pandemia COVID-19. Tanba ne’e, ba seguransa ema hotu ninian, Amu Papa husu ba sidadaun ida-idak  simu vasina atu hotu-hotu protejidu bainhira Papanhala’o vizita ne’e mai Timor-Leste.

Vizita dahuluk Santo Padre nian mai Timor-Leste akontese iha 12 outubru 1989 iha tempu okupasaun Indonézia.

Estadu, Igreja Katòlika no sarani tomak halo esforsu hotu-hotu atu iha vizita hosi Santo Padre Francisco mai Timor-Leste iha ámbitu ukun rasik-an.

Iha tinan-2015, Governu Timor-Leste asina Konkordata ho Vatikanu.

Notísia Relevante: Konkordata Santa Sé Ho Timor-Leste, 50% Ba Área Edukasaun

Jornalista : Nelson de Sousa

Editór       : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here