Don Norberto Amaral fo bensa ba rate restus mortais, iha Liquiça, Kuarta (14/06). FOTO TATOLI/Xisto Freitas

DILI, 01 dezembru 2021 (TATOLI)–Prezidente Konsellu Veteranu munisípiu Liquiçá, Vicente da Conceição ‘Rai Los’, husu Governu haloot lalais restu mortál, ne’ebé daudaun rai hela iha osáriu jardin eroi iha suku Dato, postu administrativu Liquiçá villa, munisípiu Liquiçá.

“Ita-nia restu mortál rai ona durante tinan-haat ona iha osuária kuaze hamutuk 43, proposta ita hato’o dala barak maibé seidauk iha desizaun tanba ne’e rekomenda ba VIII Governu atu tau prioridade, nune’e bele hodi haloot lalais, tanba sira mós presiza fatin ne’ebé dignu,” Veteranu Rai Los hateten ba Agência TATOLI, via telefónika kuarta ne’e.

Tuir nia, restu mortál sira ne’ebé daudaun ne’e rai hela iha osuáriu, bainhira Governu la halot lalais bele fó impaktu ba família sira no ukun-na’in sira tanba eroi sira mate ba rai ida ne’e.

“Dala-barak família mai ezije kona-ba haloot restu mortál ne’e,” nia akresenta.

Nune’e, nia husu ba parte Auroridade Polísia Forense, molok Governu haloot tenke halo autópsia ba restu mortál sira, nune’e bele hatene identidade loloos.

“Barak mak seidauk halo identifikasaun, nune’e família sira bele hatene no loron boot ruma família bele vizita,” nia dehan.

Jornalista : Arminda Fonseca

Editora     : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here