Diretór Jerál Servisu Migrasaun, Superintendente Asistente Polísia, Luis Barreto. Imajen Tatoli/Eugénio Pereira

DILI, 30 novembru 2021 (TATOLI)— Diretór Jerál Servisu Migrasaun (SM), Superintendente Asistente Polísia Luis Barreto Soares, informa, ekipa Servisu Migrasaun koopera ho Unidade Polísia Fronteira (UPF) hahú kontrola másimu atu evita ema tama-sai Timor-Leste ho livre no lori sasán kontra bandu.

“Bainhira, sidadaun timór-oan ka ema estranjeiru tama-sai liuhosi fronteira tenke iha dokumentu viajen ne’ebé maka validu no mós iha sertidaun vasinasaun COVID-19 (kartaun kinur) no mós swab teste,” Diretór Jerál Servisu Migrasaun hateten ba jornalista sira iha edifisiu Ministériu Interiór, Caicoli, tersa ne’e.

Bainhira, ema estranjeiru hakat fronteira mak laiha dokumentu ka liu validade mak sei hetan rekuza no deporta filafali ba nian rain.

“Ita foti medida ho baze ba lei númuru 11/2017 katak tenke rekuza atu fila kedas iha fronteira,” nia akresenta.

Enkuantu bá sidadaun timor-oan, nia dehan, bainhira dokumentu liu validade, maibé atu tama mai territóriu Timor-Leste hetan autoriza sira tama mai tanba sira timór-oan.

Sidadaun sira lori sasan ka ekipamentu hanesan fugete no sasan seluk tenke tuir regra ne’ebé maka Estadu fó sai.

“Ami migrasaun kuandu hetan koordena ho Autoridade Aduaneiru (AA-Alfandega) no Autoridade Segurasa iha fronteira aplika tuir lei,” nia afirma.

Jornalista : Natalino Costa

Editór        : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here