Diretór Ezekutivu ADTL, Cesário da Silva. Imajen Tatoli/Egas Cristovão.

DILI, 30 novembru 2021 (TATOLI)—Asosiasaun Difisiente Timor-Leste (ADTL) tersa ne’e realiza semináriu nasionál ho tema “Asegura Implementasaun Polítika Planu no Programa Orsamentu Jerál ba Asuntu Defisiénsia iha Timor-Leste” ne’ebé hala’o iha Salaun City8 Has-Laran, Manleuana, Dili.

Diretór Ezekutivu Asosiasaun Difisiente Timor-Leste (ADTL), Cesário da Silva, hateten Ministériu Edukasaun Jiventude no Desportu (MEJD) no Sekretária Estadu Komunikasaun Sosiál (SEKOMS) kontinua fó apoiu ba rádiu komunidade ema ho defisiénsia no lian jestuál, no MEJD sei haree edukasaun inkluzivu bae ma ho defisiénsia sira (EhD).

“SEKOMS hato’o sira-nia planu prioritáriu ba tinan oin kontinua apoia rádiu komunidade ba ema ho defisiénsia sira no formasaun ba ema ho defisiénsia inklui apoia ba lian jestuál. MEJD haree liu ba edukasaun inklusivu atu asegura ema ho defisiénsia sira hotu bele asesu ba edukasaun ho di’ak, no asegura fó formasaun ba manorin sira oinsa intende kona-ba manorin sira ba ema ho defisiénsia,” Cesário da Silva hateten ba jornalista sira.

Iha dskusaun ne’e, ema ho defisieénsia sira hato’o sira-nia preokupasaun ba MEJF no SEKOMS atu koloka no asegura Orsamentu Jerál Estadu 2022 nian, hodi implementa ba planu asaun nasionál defisiénsia.

Iha implementasaun ba polítika sira ne’ebé iha liu-liu polítika nasionál edukasaun inkluzivu nia implementasaun kuaze laiha ida la’o di’ak, tanba edukasaun rekorente atu asegura ema ho defisiénsia sira maibé liu-liu kona-ba ezame ekivalénsia foin nívél bázika, nivél sekundária sai preokupasaun ba ema defisiénsia sira.

Tanba ne’e, nia hato’o rekomendasaun prinsipál boot liu ba iha Ministériu Edukasaun atu halais prosesu ezame ekivalénsia nivél ensinu sekundáriu nian no husu Ministériu Edukasaun tenke dekreta dekretu ministérial atu aprova nível sekundária nian ba ema ho defisiénsia.

“Ami rekomenda ba ministériu hotu-hotu ne’ebé hola parte iha planu asaun nasionál kada orsamentu jerál estadu kada tinan aloka 1-2% hosi totál montante hodi aloka ba asuntu defisiénsia. Ezemplu, Ministériu Edukasaun nia koloka orsamentu hira ba tinan ida, tanba ami nia preferénsia 1 to’o 2% aloka ba dezenvolvimentu asuntu defisiénsia,” nia esplika.

Entretantu, tuir dadus ne’ebé Agênsia Tatoli asesu katak, dadaun ne’e ema defisiénsia iha Timor Leste hamutuk 38.118.

Jornalista : Nelia Fernandes

Editór       : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here