Ró ambulánsia ne’ebé oferese hosi Governu Indonézia ba Ministériu Saúde. Imajen Tatoli/ Egas Cristóvão.

DILI, 30 novembru 2021 (TATOLI)— Ministériu Saúde liuhosi Diresaun Nasionál Servisu Ambulánsia no Emerjénsia Médiku, Institutu Publiku (DNSAEM, I.P) hahú prepara ona ró ambulánsia ne’ebé oferese hosi Indonézia atu evakua pasiente hosi Atauro no Rejiaun Administrativu Espesiál Oé-cusse no Ambeno (RAEOA) mai halo tratamentu intensivu iha Hospitál Nasionál GuidO Valadares (HNGV).

“Hafoin, ita hetan ró ne’ebé apoiu hosi Governu Indonézia iha loron 25 novembru.  Iha loron 27, ita-nia ema sira tuir treinamentu kona-ba oinsá atu troka oli, ne’ebé agora ró prontu hela bainhira família pasiente ruma xamada ba evakua,” Diretór Nasionál Servisu Ambulánsia no Emerjénsia Médika (DNSAEM), Horacio Sarmento, hateten ba jornalista sira iha nia kna’ar fatin-Caicoli, tersa ne’e.

Governu Indonézia liuhosi Embaixadór iha Timor-Leste oferese ró ambulánsia ida ba Ministériu Saúde ho folin $200.000 hosi PT. Fiberboat Indonézia.

Ró ambulánsia ne’ebé oferese husi Governu Indonézia ba Minsitériu Saúde ho kapasidade tula pasiente na’in-25 ho velosidade ne’ebé lais liu.

“Kona-ba atu halo manutesaun ami propoin  orsamentu adisionál $200.000  ne’ebé inklui mós selu pridfisonál saúde ne’ebé serbisu iha ró laran, maibé ita esprea Parlamentu Nasionál aprova,” Nia akresenta.

Nune’e, DSNAEM, I.P, prevee $997,141 hodi finansia programa rua, sub-programa haat no atividade 10 iha Orsamentu Jerál Estadu (OJE) 2022.

Hosi montante orsamentu $977,141,  fahe ba kategoria, salariu no vensimentu $50,963, bens servisu $851,178 no kapitál menor $75,000.

Orsamentu ne’e finansia ba programa rua, hanesan programa ho kodigu 510 kona-ba governasauun di’ak no jestaun institisionál ho alokasaun orsamentu $ 264,785 no programa kodigu 805 kona-ba saúde prevee osan $ 712,356.

Iha programa jestaun institusionál ho nia atividade kona-ba jestaun veíkulu espesífiku saúde aloka $113,940 ho indikadór númeru veíkulu ambulánsia disponivél iha territóriu nasionál no hametin kontrolu kualidade ba atedimentu ambulánsia. 

“Ita iha tinan 2022 la sosa ambulánsia tanba daudaun ambulánsia sufisiente,maibé ita iha meta atu kontrolu kualidade atendimentu ambulánsia sira iha territóriu nasionál,’’ nia akresenta.

Notísia Relevante: Indonézia oferese ró ambulánsia ida ba MS

Jornalista  : Felicidade Ximenes

Editór        : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here