Komandante PNTL Covalima, Superintendente António Maria de Sá. Imajen Tatoli/Celestina Teles.

COVALIMA, 30 novembr 2021 (TATOLI)—Komandante PNTL Covalima, Superintendente António Maria de Sá, informa hahú hosi fulan-janeiru to’o fulan novembru tinan ne’e komando  Polisia Nasionál Timor-Leste (PNTL) Covalima rejista kazu hamutuk 141.

Notísia Relevante: Eis dadur Marito Baptista loke karpintária fó servisu ba joven sira

“Hosi kazu 141, ami rejista kazu asaltu mak aas liu hamutuk 48, violénsia domestika 26, alfandega 16, kazu omesidio ida (1), asaltu seksuàl 13, furtu 10, distúrbiu jerál 10, ameasa haat (4), estragu neen (6) no imigrasaun hitu (7), “ Superintendente António Maria de Sá informa bainhira sai oradór iha seminário Nasionàl ne’ebè organiza hosi Asosiasaun HAK ho tema tema “Direitu Prizioneiru Sira hodi Asesu ba Justisa Formál”, ne’ebé realiza iha salaun Administrasaun Munisipál Covalima, tersa ne’e. 

António informa, kazu hotu-hotu ne’ebè autoridade polisiál hala’o ona prosesu hotu ona entrega kedas ba Ministériu Públiku hodi hein desizaun final hosi tribunál 

Tuir kna’ar autoridade polisiál sei hala’o prosesu investigasaun hanesan rekolla informasaun hosi interveniente lezada, vítima, testamuñu inklui suspeitu, aplika medida koasaun ka TIR, rekolla prova ne’ebè ligasaun ho krime, 

Bazea ba knaar hosi polísia investigasaun iha nia funsaun no sistema orden komando liuhosi liña koordenasaun kumpre ministériu kompetente nia inkeritu.

Iha dekretu-lei númeru 9/2009, artigu 35 ko’alia liu kona-ba knar servisu investigasaun no iha dekretu-lei númeru 5/2005, aprova lei Kodigu Prosesu Penál ne’ebè ko’alia espesifiku liu kona-ba knaar polísia hahú hosi artigu 52-55 no artigu 57 ko’alia kona-ba ministériu kompetente nia inkeritu.

Jornalista : Celestina Teles

Editór       : Cancio Ximenes. 

PUBLISIDADEiklan

HAKEREK NO HATÁN

Please enter your comment!
Please enter your name here