Saudozu David Alex Daitula. Imajen/Espesiál.

DILI, 29 novembru 2021 (TATOLI)—Prezidente Konsellu Kombatente Nasionál (CCLN, siglá portugés), Vidal de Jesus ‘Riak Leman’, konkorda atu dezenvolve subar-fatin saudozu Vise Komandante FALINTIL, David Alex ‘Daitula’ iha aldeia Woratiti, suku Caibada, munisípiu Baucau, hodi prezerva istória no sai fatin turizmu istóriku.

Notísia Relevante: Veteranu Baucau husu Governu prezerva subar-fatin saudozu David Alex ‘Daitula’

“Ami konkorda ba fatin importante atu dezenvolve turizmu iha ne’eba bele harii monumentu ruma hodi atrai turista sira bele ba vizita,” Riak Leman hateten ba Agência TATOLI iha nia knar fatin, Caicoli, Dili, segunda ne’e.

Maibé, nia dehan, iha tinan 2022 be mai Konsellu Kombatente Nasionál (CCLN, siglá portugés) seidauk prevee orsamentu ruma ba prezervasaun fatin istóriku sira hanesan saudozu “Daitula” nia subar-fatin, no iha tinan oin bele tau osan hodi dezenvolve.

Nia husu mós ba parte relevante sira atu tau atensaun hodi hadi’a kondisaun estrada ba iha subar-fatin sudozu Daitula nian hodi bele fasilita movimentu ema estranjeiru no sidadaun baibain sira atu ba vizita fatin refere

Tuir nia, Governu presiza mós prezerva fatin istóriku sira seluk iha territóriu nasionál ne’ebé uluk saúdozu no erói sira-nia subar-fatin.

Notísia Relevante: Saudozu Daitula nia istória folin boot iha prosesu luta ba ukun rasik-an

‘Taraleu’ hahú hakerek livru kona-ba saudozu Daitula

Jornalista : Nelson de Sousa

Editór       : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here