Karru funeráriu. Imajen/Felicidade Ximenes

VIQUEQUE, 29 novembru 2021 (TATOLI)—Administradór Viqueque, Januário Soares ‘Bolly’, hateten, daudaun ne’e munisípiu ne’e falta karru funeráriu hodi atende iha postu lima, nune’e difikulta komunidade ne’ebé presiza atu transporta família.

“Agora iha de’it rua, maibé ida a’at no ida maka agora responde ba komunidade ne’ebé presiza. Ho preokupasaun ne’e, ami loke ona konkursu iha nasionál hodi sosa, ne’ebé tuir planu sei to’o iha janeiru,” Autoridade munisipál ne’e informa ba Agência TATOLI, iha ninia knaar fatin, Administrasaun Viqueque, segunda ne’e.

Tuir Administradór, kondisaun estrada halo transporte ne’e a’at, tanba ne’e parte administrasaun deside lori ba Dili hodi hadi’a.

Tanba ne’e, parte autoridade esforsu loke konkursu no empreza Mutiara maka sai manán-na’in hodi sosa karru funeráriu.

“Loke konkursu iha Viqueque laiha empreza ne’ebé interesadu, tanba ne’e ami loke iha Dili mak foin hetan empreza kualifikadu, ne’ebé ami prevee osan hamutuk $39.000. Bainhira karreta foun to’o mai, ita sei rekruta kondutór, tanba lori karreta ne’e só ema ho mentalidade brani mak foin bele lori,” nia tenik.

Jornalista : Vitorino Lopes da Costa

Editora     : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here