Xefe Grupu HALAL, Felizarda Moniz da Costa. Imajen Tatoli/Celestina Teles.

COVALIMA, 29 novembru 2021 (TATOLI)—Xefe Grupu Halal, Felizarda Moniz da Costa informa, grupu Halal eziste iha aldeia Bitis, suku Lalawa, aldeia Bitis, postu administrativu Tilomar, Munisípiu Covalima ne’e, durante ne’e halibur feto sira hodi prodús mina-virjin no kripik.

“Hafoin ami harii grupu ida-ne’e, iha esperansa tanba Centro Comunidade Covalima fasilita ami tuir formasaun iha área public speaking, sona kripik, prodús mina-virjin, haki’ak ikan, haki’ak manu no seluk tán,” Xefe Grupu Felizarda Moniz da Costa hateten ba Agência Tatoli iha salaun CCC, Covalima, degunda ne’e. 

Bukae ne’ebé hetan liuhosi tuir formasaun iha Centro Comunidade Covalima ne”e, halo membru grupu Halal n’ebé maiória feto ne’e implementa saida mak sira hetan ne’e iha ida-idak nia uma laran.

Grupu Halal mós hetan ona susesu hodi involve iha programa Musan Ida hosi Centro Comunidade Covalima ne’ebé fó fiar ba grupu refere halo negósiu faan produtu lokál, maibé tanba COVID-19 rendeimentu sai menus. 

“Durante iha pandemia COVID-19, ami hasoru dazafiu hanesan hetan rendimentu menus tanba ami faan produtu lokál la folin,” nia dehan.

Grupu Halal harii iha tinan 2012 ho nia membru hamutuk na’in-18 kompostu hosi mane rua (2), ema ho difisiensia na’in-rua (2) no restu ne’e mesak feto.

Felizarda Moniz da Costa haktuir, durante nia ho nia kolega sira haruka grupu ida-ne’e ho hanoin ida atu halibur feto sira, nune’e hodi deside hamutuk no tau grupu ne’e nia naran Halal.

Grupu Halal signifika halibur produtu lokal sira iha suku Lalawa, liu-liu iha aldeia Bitis, Suku Lalawa, postu administrativu Tilomar, munisípiu Covalima hodi halibur feto no fahe esperiénsia ba malu. 

Grupu ne’e ho nia vizaun mak buka esperiénsia hodi implementa iha família uma laran no mós oinsá atu jere osan iha familia, no ninia misaun mak hakarak loke restaurante iha suku sira hodi buka rendimentu no bele sustenta família uma laran no ajuda feto maluk sira. 

Jornalista : Celestina Teles

Editór       : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here