Seremónia komemorasaun Loron Proklamasaun Independénsia ba dala-46 iha kampu ladi camanasa, Covalima, domingu (28/11). Imajen TATOLI/Celestina Teles

COVALIMA,  28 novembru 2021 (TATOLI)—Vise-Ministru Eduksaun, Juventude no Desportu, António Guterres, fó parabéns ba povu Covalima ne’ebé komemora Loron Proklamasaun Independénsia ba dala-46 iha 28 novembru, ho sentidu domin ba luta-na’in sira.  

“Parabéns ba povu Covalima, tanba ohin hatudu espíritu nasionalizmu no domin hodi fó onra  ba ita-nia luta-na’in sira durante tinan 46, ida-ne’e hatudu ita sai nasaun independente,” Vise-Ministru hateten hafoin seremónia isar bandeira iha kampu ladi camanasa, Covalima, domingu ne’e.

Maski Governu realiza semináriu prinsipál loron nasionál ne’e iha Baucau, maibé  Covalima rasik komemora ho espíritu nasionalizmu no patriotizmu. 

Iha biban ne’e, Vise-Ministru António Guterres ne’ebé sai sai inspetór isar bandeira, lee mensajen hosi Prezidente Repúblika, Francisco Guterres ‘Lú Olo’.

“Administradór hamutuk ho entidade hotu realiza eventu ida-ne’e ho hakmatek  no dame. Ha’u hanoin ida-ne’e ezemplu di’ak ba komemorasaun loron nasionál tanba mai ho sentidu domin ba ita-nia rai doben Timor-Leste,” nia akresenta. 

Hafoin serimónia isar bandeira nasionál, grupu sira anima povu covalima ho animasaun kulturál puezia, kanta ho músika istóriku, inklui atividade desportivu tradidisionál hanesan hadudu au, dada tali no seluk tan. 

Seremónia ne’e partisipa hosi membru Governu no Deputadu balun Diretór Servisu munisipál sira, Veteranu no komunidade hosi suku Beco, Debos, Labarai no Suai loro inklui entidade relevante seluk. 

Jornalsita : Celestina Teles

Editóra      : Julia Chatarina 

PUBLISIDADEiklan

HAKEREK NO HATÁN

Please enter your comment!
Please enter your name here