Traballadór Timor-oan hakotu iis iha Austrália. Imajen espesiál.

DILI, 27 novembru 2021 (TATOLI) – Traballadór timor-oan na’in tolu hosi munisípiu Ermera ne’ebé iha loron 23 novembru hetan insidente tanba rai-lakan fera no ida todan ho naran Germenino de Deus, ohin tuku 13:00 oras Austrália hakotu ona iis.

José Loe-Mau hanesan sasin ba matebián ne’ebé hakotu iis hateten, matebian hakotu iis tanba nia moras grave, ne’ebé doutór sira hiit-liman no husu desizaun ikus iha família dezde horibainrua no horiseik, ohin solusaun ikus hasai soru hosi matebian nia isin-lolon.

“Entaun ohin família sira, ami kontaktu liuhosi vídeo konferénsia iha oras 11 liu, ami kolega na’in haat ne’ebé serbisu hamutuk, ho konselladu Timór nian iha Austrália no madre sira ne’ebé iha Austrália, família foti desizaun ikus, konkorda ho doutór sira hasai sorru tuku 12:10 to’o oras tuku 13:00 nia hakotu iis,” José Loe-Mau ba Agência Tatoli via telefónika sábadu ne’e.

Nia hatutan, hosi família matebian mós konkorda desizaun hosi doutór sira hasai soru tanba ulun ne’e hanesan fiu katik mutuk ona ne’ebé liga mós ladi’ak, entaun hakarak ka lakohi tenke hasai soru, tanba ran la halai ba ulun.

Kona-ba prosesu, transportasaun mate-isin sei transporta mai Timor-Leste maibé tanba ohin, loron sábadu no aban domingu, ne’ebé prosesu sei halo iha loron segunda (29/2021).

“Entaun agora ita prepara dokumentu, aban sei halo misa requem ba nia, segunda mak konselladu halo prosesu atu transporta mate-isin ba Timor-Leste maibé data fiksu mate-isin atu sai hosi Austrália mak ami seidauk hatene,”nia dehan.

Notisia relevante: Rai-lakan fera traballadór timor-oan na’in-tolu iha Austrália

Jornalista : Arminda Fonseca

Editór: Rafy Belo

PUBLISIDADEiklan

HAKEREK NO HATÁN

Please enter your comment!
Please enter your name here