Chefe Estadu Maiór Jenerál FALINTIL-FDTL Tenente Jenerál Lere Anan Timur. Imajen Tatoli/Francisco Sony

BAUCAU, 27 novembru 2021 (TATOLI)-Xefe Estadu Maior Jeneral, FALINTIL, Forsa Defeza Timor-Leste (F-FDTL), Tenente Jeneral Lere Anan Timur, husu Baucau joven oan-sira  tomak labele mete arte marsiál hodi baku malu maibé, hamutuk la’o tuir banati saudozu David Alex “Daitula”.

“Ha’u ba joven Baucau oan-sira no Timor-laran tomak, labele hanoin de’it mak arte marsiál hodi baku malu maibé hamutuk la’o tuir saudozu Daitula nia hahalok tanba hanesan ita hotu hatene, Daitula sai ezemplu di’ak ba jerasaun foun sira ho nia karakter ne’ebé hanoin nia servisu, haluha aan hadomi rai Timor hodi luta ba ulun ita-nia indepedénsia,” Lere Anan Timur hateten nia diskursu iha serimónia reflesaun ba kapturasaun Komadante Daitula, iha ámbitu komemorasaun loron proklamasaun indepénsia ba dala-46 iha suku Caibada, postu administrativu Baucau Vila, munisípiu Baucau.

Nia dehan, Baucau oan-sira presiza banati tuir saudozu Daitula tanba Baucau ema ne’ebé ‘mutirabu’ maibé Baucau rasik nu’udar fatin ne’ebé laiha milisi no fatin sentru ba ukun rasik aan ninian.

“Tanba ne’e agora uluk aan ona joven sira hamutuk hanoin ida de’it mak dezenvolvimentu nasionál, labele hatudu atitude ne’ebé ladi’ak hanesan tuda, no tahan ema ida dalan-dalan sira, tanba, ukun rai la difísil bainhihra ita hamutuk maibé ita ketak-ketak ukun ble fasil mós sei difísil,” nia dehan.

Nia dehan, Timor-Leste ukun rasik aan ona mak joven sira hanoin mak baku malu no fahe malu de’it mak ema sei aproveita situasaun ida ne’e sei sobu situasaun sai ladi’ak tan.

“Ha’u husu ba joven foin sa’e sira liuliu Baucau oan, respeita malu tanba funu hotu laiha tan atu oho malu no baku malu, agora iha de’it mak ita-nia F-FDTL no Polísia Nasionál Timor-Leste (PNTL), ne’ebé mak kontrola ba ita-nia nasaun ne’ebé ha’u husu joven sira,” nia hateten.

Jornalista : Arminda Fonseca

Editór : Evaristo Soares Martins

PUBLISIDADEiklan

HAKEREK NO HATÁN

Please enter your comment!
Please enter your name here