Reasaun estudante ida bainhira hetan imunisasaun vasina pfizer covid-19 iha Eskola Sao Pedro Komoro, tersa 16/11/2021.Imajen TATOLI/Antonio Goncalves

DILI, 27 novembru   2021 (TATOLI)— Sala Situasaun, Sentru Integradu Jestaun Krize (CIGC,sigla portugés) relata, ohin, kazu detetadu foun ida , rekuperadu laiha no kazu ativu haat.

”Kazu detetadu foun ohin  ida ativu haat,” Adjunta Koordenadora Forsa-Tarefa ba Prevensaun no Mitigasaun, Odete da Silva Viegas, hateten liuhosi nota ne’ebé Agência TATOLI asesu, sabadu ne’e.

Nune’e, hahú 21 marsu 2020 to’o 27  novembru 2021 iha kumulativu kazu konfirmadu 19.822 no óbitu 122.

Hosi horisehik mai ohin, Laboratóriu Nasionál Saúde halo teste PCR 270, kompostu vijilánsia sentinela ida , rastreiu ba kontaku  laiha, rastreiu aleatóriu 28, viájen internasionál na’in56, follow up iha kuarentena 185.

Alende ne’e, totál teste PCR ne’ebé halo iha 26 novembru iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 84, hanesan Maubisse rua, Maliana ida, Viqueque rua, Suai  13, Baucau sia, Ermera laiha, RAEOA laiha , HNGV 57, Lautém laiha, Vera Cruz laiha.

Populasaun elijível tinan 18 ba leten, ne’ebé simu ona vasina to’o iha loron 27 novembru, tuir sistema informasaun Saúde iha Ministériu Saúde, hanesan kumulativu 1ª doze iha Dili (86,2%) no kumulativu 2ª doze iha Dili (76,5 %).

Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 80,6% no simu ona doze daruak 58,3%.

Hosi insidénsia COVID-19 iha Timor-Leste, durante loron hitu ikus maka 0,1/100 mil abitante,

Iha loron 27 novembru 2021, izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu la iha , moderadu la iha no kaman na’in la iha.

Notísia Relevante: COVID-19 : kazu detetadu pozitivu ida no ativu tolu

Jornalista   : Felicidade Ximenes

Editór         : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here