Grupo estudante Isar Bandeira uainhira tama iha formatura. .Imajen/Antonio Goncalves.

COVALIMA, 26 novembru 2021 (TATOLI)—Vise-Ministru Edukasaun Juventude no Desportu, António Guterres, sei presiza isar bandeira RDTL 28 Novembru ba dala-46 iha munisípiu Covalima.

“Ha’u-nia prezensa iha munisípiu Covalima atu selebra aniversáriu loron proklamasaun independénsia tanba simu despaixu atu prezide isár bandeira iha Covalima,” Vise-MEJD António Guterres informa ba Agência Tatoli, iha salaun Uma Feto, Santa Rosa, Covalima, sesta ne’e. 

Governante ne’e dezloka hosi Dili mai iha Covalima iha loron 24 novembru, ho objetivu atu prezide isar bandeira RDTL hodi selebra loron proklamasaun independénsia Timor-Leste ba dala-46 ho povu Covalima. 

Molok Vise-MEJD nia prejensa iha Covalima, administradór munisípiu Covalima mós forma ona komisaun organizadór hodi halo preparasaun ba aniversário loron Nasionàl 28 Novembru ba 46

Komemorasaun Loron Nasionàl ba Tinan ne’e Covalima realiza atividade sira hanesan,feira no  bazar kalan,kuda  halai taru, animasaun kultural ,Desportu komunitária ne’ebè organiza hosi Centru Juventude Covalima ,Desportu tradisional no seluk tan.

Orsamentu ne’ebé Administrasaun Prevee ona komemora loron nasionál hamutuk $12,800.00 ne’ebè aloka ba postu administrativu sira hamutuk 4,500.00. 

Profesór 180 sei tuir judisium iha UNTL

Iha enkontru ho profesór sira iha Covalima, Governante ne’e informa katak profesór hamutuk 180 sei tuir judisium iha Universidade Nacional Timor Lorosa’e (UNTL), tanba durante ne’e profesór hirak ne’e halo estájiu ne’ebé lista ne’e. 

“Ami halo reuniaun ida-ne’e atu partila informasaun ba profesor sira. Tanba durante ne’e sira estájiu iha sira-nia eskola oinsá atu prepara ba judisium nian. Ha’u hanoin dadus sei submete ba UNTL, agora foin atu lori ba Dili liuhosi INFORDEPE, ita haruka ba UNTL. Hafoin UNTL mak haree kalendáriu graduasaun UNTL nian,” António Guterres hateten.  

Tanba, nia dehan, MEJD liuhosi INFORDEPE fó formasaun ba profesór sira iha INFORDEPE  ne’ebè mak durante ne’e sira hala’o sira-nia estájiu iha sira-nia eskola rasik.

“Ita hatene MEJD fó formasaun ba ita-nia profesór sira kuaze 2,595 iha nivél nasionál hosi munisípiu Covalima profesór na’in-183 hosi númeru ne’e na’in-tolu (3) mate, hela profesór 180. Agora iha faze preparasaun ba iha judusium ho graduasaun nian, ne’ebè programa ne’e ita halo kolaborasaun ho UNTL,” nia hateten. 

Enkontru ne’e organiza hosi INFORDEPE liuhosi gabinete formasaun akadémiku ne’ebè hetan partidima máximu hosi diretór eskola, koordenadór filiál no eskola bázika sentrál no gabinete diretiva hotu.

Jornalista : Celestina Teles

Editór      : Cancio Ximenes 

PUBLISIDADEiklan

HAKEREK NO HATÁN

Please enter your comment!
Please enter your name here