Traballadór mão de obra halo hela limpeza iha dalan Viqueque Villa. Imajen TATOLI/Vitorino Lopes da Costa

VIQUEQUE, 26 novembru 2021 (TATOLI)—Administradór postu Viqueque villa, António Gregório, informa, implementasaun programa ‘mão de obra’ daudaun ne’e iha postu Viqueque villa atinje ona ba 85%.

“Programa ne’e implementa iha suku sanulu, ne’ebé iha suku sia to’o faze finál ona, hela suku Uaimori foin atu implementa, enkuantu iha postu Viqueque villa, ami halo ona pagamentu ba suku hitu,” Autoridade lokál hateten ba Agência TATOLI, iha ninia knaar fatin, Viqueque villa, sesta ne’e.

Suku Uaimori foin atu implementa tanba Xefe suku maka hatama traballadór sira nia dokumentu tarde, tanba ne’e seidauk implementa.

“Xefe suku iha loron liu ba kotuk lori traballadór sira-nia dokumentu, ne’ebé ami haree hotu ona, loron 28 novembru liu maka bele implementa iha suku Uaimori,” nia akresenta.

Osan hamutuk $50.000 mak aloka iha Viqueque villa hodi selu traballadór ne’ebé serbisu iha programa mão de obra.

“Programa ne’e halo postu ne’e sai moos tebes, uluk ita haree kampu iha du’ut barak, maibé agora limpeza moos ona. Aleinde ne’e programa ne’e benifisia ba komunidade,” nia tenik.

Jornalista : Vitorino Lopes da Costa

Editora     : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here