Prezidente Repúblika,Francisco Guterres Lú Olo. Imajen Tatoli/António Gonçalves.

DILI, 26 novembru 2021 (TATOLI)—Prezidente Repúblika, Francisco Guterres Lú Olo, iha ambitu selebrasaun ba Loron Proklamasaun Independénsia ba dala-46, ezerse nia kompeténsia hodi fó indultu ba prizoneiru na’in-11. 

Tuir komunikadu imprensa ne’ebé Agência Tatoli asesu hosi Palásiu Prezidensiál, sesta ne’e katak bazeia ba Konstituisaun Repúblika Demokrátika Timor-Leste (KRDTL), artigu 85, fó indultu nu’udar kompeténsia eskluziva Prezidente Repúblika nian hafoin rona Governu.

Fó indultu no komutasaun pena tenke halo tuir, ninia fundamentu, nomeadamente ezijénsia pesoál, umanitária, familiár no sosiál hosi kondenadu no ezijénsia ba resosializasaun, komportamentu prizionál no esforsu ba reinsersaun sosiál.

Haree mós ba komportamentu prizionál no esforsu ba reinsersaun sosiál hosi rekluzu no razaun umanitária ho kazu atu impoin.

Tuir tradisaun prezidensiál, iha okaziaun loron Proklamasaun Independénsia, Prezidente Repúblika, iha ámbitu haktuir iha podér konstituisionál no hosi proposta Governu fó indultu ba rekluzu na’in-11 ba krime ne’ebé konsideradu menór.

Rekluzu na’in-11 ne’ebé hetan indultu mak hanesan Albertino Freitas Magno, Atanásio Ribeiro Belo, Domingos Gusmão Marques, Gerónimo Marques, Luis Marques, Mateus Boavida Marques, João Guterres, Abreu Ramos da Costa, Júlio Ximenes, Armindo Martins no Eliza da Conceição Gonçalves Noronha.

Jornalista : Nelson de Sousa

Editór     : Cancio Ximenes  

PUBLISIDADEiklan

HAKEREK NO HATÁN

Please enter your comment!
Please enter your name here