Turizmu komunitária Uai-Sarake iha suku Uailili ne'ebé finansia hosi MTKI sesta ne’e inaugura ona. Imajen Tatoli /Natalino Belo.

BAUCAU, 26 novembru 2022 (TATOLI) –  Ministru Turizmu, Komérsiu no Indústria (MTKI), José do Carmo da Silva, prioritiza setór turizmu komunitária nu’udar alternativa ba reseita estadu nian nune’e Timor-Leste labele dependente ba fundu petrolíferu.

Ministru José Lucas do Carmo da Silva, ko’alia asuntu ne’e bazea ba orientasaun Primeiru Ministru (PM), Taur Matan Ruak kontinua fó prioridade ba setór turizmu, agrikultura no peska, indústria no pekuária.

“Governu ida-ne’e hakarak iha vizaun alternativa, aleinde setór petrolíferu ne’ebé durante ne’e ita uza. Tempu ona Timor-Leste dezenvolve setór alternativu nune’e labele dependente demais ba fundu mina-rai,” ,” José Lucas do Carmo da Silva, ko’alia  iha suku Uailili, sesta ne’e.

Tanba ne’e polítika VIII Governu liuhosi MTKI iha vizaun hakarak dezenvolve setór turizmu maibé ho vizaun ida komunidade mak sai nu’udar autór ba dezenvolvimentu. 

Fatin turizmu komunitária Uai-Sarake, suku Ualili. Imajen Tatoli /Natalino Belo

Turizmu komunitária Uai-Sarake iha suku Ualili sai hanesan priviléjiu ida ba MTKI tanba komunidade no juventude iha suku refere partisipa másimu dezenvolve fatin refere ba turizmu komunitária.

Koordenadora grupu servisu turizmu komunitária suku Uailili, Esperança Sarmento, kontente no orgullu tanba VIII Governu Konstituisionál liuhusi programa MTKI tau prioridade ba suku Uailili sai suku pilotu ba turizmu komunitária. “Ami hanesan feto no mós hanesan komunidade suku Uailili sente kontente no orgullu tanba VIII Governu liuhosi MTKI bele tau prioridade ami-nia suku sai pilotu ba turizmu komunitária,” Esperança akresenta.

Programa pilotu turizmu komunitária iha suku Uailili ne’e hetan apoia orsamentu hosi MTKI ho montante rihun $40-resin.

Jornalista             : Natalino Belo

Editór                   : Evaristo Soares Martins

PUBLISIDADEiklan

HAKEREK NO HATÁN

Please enter your comment!
Please enter your name here