Ilustrasaun Dengue. Imajen/Espesiál

DILI, 25 novembru 2021 (TATOLI)— Hahú fulan-janeiru to’o novembru ne’e, Servisu Saúde Munisípiu Dili, rejista pasiente ho moras dengue hamutuk 449, hosi númeru ne’e ema na’in-rua mak mate.

Diretora Servisu Saúde Munisípiu Dili (SMD), Agostinha Segurado, informa, totál kazu dengue 449 ne’e maioria maihosi Sentru Saúde ne’ebé ejiste iha postu administrativu Dom Aleixo, Cristo Rei, Na’in Feto no Vera Cruza.

Diretora Saude Municipio Dili, Agostinha Segurado. Imajen Tatoli/ Egas Cristóvão.

“Ita deteta iha fulan janeiru to’o outubru kazu dengue 419 no mate na’in-ida, maibé iha meadu novembru kazu aumenta kuaze 30 no aumenta mós ema na’in ida mak mate,” Diretora SMD ne’e, inform aba Jornalista sira iha Portu Dili, kinta ne’e.

SMD indetifika munisípiu Dili sai baze ba moras hotu liuliu dengue, nune’e hahú halo preperasaun atu prevene.

Daudaun, SMD husu ona apoia transporte no aimoruk kímiku ba Ministeriu Saúde  fasilita ekipa pesoál saúde no voluntáriu hosi Kruz Vermella Timor-Leste (CVTL, siga Portugés) atubele rega aimoruk iha bairru sira.

“Ita hasoru dezafiu tanba estoke aimoruk kímiku iha masa lima de’it, maibé ha’u orienta ona tékniku atu rega susuk iha bairru sira ne’ebé risku makas, hodi hein aimoruk kímiku balun hosi Ministériu Saúde,” Diretór ne’e akresenta.

Alende ne’e, Pesoál Saúde sira kontinua halo sensibilizasaun ba komunidade sira atu hamoos lixu ne’ebé namkari iha uma oin no fatin públiku atu hala’o prevensaun.

“Ita halo ona preparasaun atu fahe aimoruk kímiku ba kada suku sira atubele regra susuk tanba agora tempu udan,” nia afirma.

Notísia Relevante: SMD rejista pasiente dengue 419, mate na’in-ida

Jornalista : Felicidade Ximenes

Editór       : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here