Atividade produsaun kartaun identidade iha salaun Administrasaun Viqueque, kinta (26/11). Imajen TATOLI/Vitorino Lopes da Costa

VIQUEQUE, 25 novembru 2021 (TATOLI)–Ekipa hosi Komisaun Funsaun Públika (KFP) prodúz kartaun identidade ba funsionáriu públiku iha munisípiu Viqueque.

“Prodúz kartaun identidade ba kada funsionáriu permanete sira hanesan profesór, pesoál saúde, ajente administrasaun inklui halo sosializasaun ba funsionáriu sira iha munisípiu Viqueque,” Xefe Departamentu Baze Dadus hosi KFP, Cesarina da Silva Mendes, hateten ba Agência TATOLI, iha salaun Administrasaun Viqueque, kinta ne’e.

Inisiativa ne’e ho objetivu hakarak mai direta ba munisípiu Viqueque hodi fó atendimentu direta ba funsionáriu sira.

“Ami prodúz kartaun ba funsionáriu sira no halo sosializasaun ba funsionáriu sira kona-ba dadus pesoál ho sistema SIGAP hodi sira bele hatene eskalaun inklui saláriu. Ami identifika katak funsionáriu barak mak oras ne’e seidauk trata kartaun. Tanba ne’e, ami husu funsionáriu públiku trata kartaun,” nia akresenta.

Tuir dadus KFP, funsionáriu kuaze 400-resin iha rejiaun ne’e maka konsege halo ona kartaun identidade.

Komisaun hahú halo produsaun kartaun iha loron 22 to’o 26 novembru.

Jornalista : Vitorino Lopes da Costa

Editora     : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here