Primeiru-Ministru, Taur Matan Ruak. Imajen TATOLI/Egas Cristóvão

DILI, 25 novembru 2021 (TATOLI)–Governu liuhosi reuniaun Konsellu Ministru (KM), iha kuarta ne’e, aprova Projetu Dekretu-Lei ne’ebé aprezenta hosi Ministru Finansa, Rui Augusto Gomes, ba pagamentu estraordináriu saláriu adisionál fulan-ida ba funsionáriu, ajente no kontratadu administrasaun públika iha fulan-dezembru.

“Pagamentu estraordináriu ba ajente administrasaun públiku ne’e tinan-tinan, ami seidauk halo mudansa ida, kontinua de’it buat ne’ebé la’o ona iha tinan anteriór sira, ne’ebé bazeia ba lei ne’ebé iha ona,” Primeiru-Ministru (PM), Taur Matan Ruak, hateten, hafoin reuniaun semanál ho Prezidente Repúblika, iha Palásiu Prezidensiál, Bairro Pité, kinta ne’e.

Notísia relevante: Governu aprova pagamentu estraordináriu ajente administrasaun públika

Tuir Xefe Governu, prátika ne’e akontese tinan barak ona no Governu seidauk iha hanoin hodi halo alterasaun.

“Maibé, aban-bainrua iha situasaun balun eziji halo alterasaun maka bele maibé daudaun ne’e seidauk,” nia akresenta.

Ho aprovasaun ne’e, ajente administrasaun públika sira abranje iha pagamentu estraordináriu ida-ne’e, exetu funsionáriu kontratadu estranjeiru.

Antes ne’e, pagamentu extra ne’e ba tinan 2021 destina ba funsionáriu, ajente no kontratadu administrasaun públika, exetu funsionáriu kontratadu ho saláriu $5.000 ba leten no funsionáriu kontratadu estranjeiru sira.

Jornalista : Antónia Gusmão

Editora     : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here