Diretòr Ensinu Sekundáriu Públiku Covalima, Francelino Freitas Carvalho. Imajen Tatoli /Celestina Teles.

COVALIMA, 25 novembru 2021 (TATOLI)—Diretór Eskola Sekundária Jerál Covalima, Francelino Freitas Carvalho informa, estudante désimu terseiru hamutuk 696 iha Eskola Sekundáriu Jerál (ESJ) Covalima preparadu atu tuir ezame nasionál no lokál. 

Notísia Relevante: Estudante Ensinu Sekundáriu Jerál Covalima hahú tuir ezame pasajen klase

Bazea ba kalendáriu hosi Ministériu Edukasaun Juventude no Desportu (MEJD), hafoin estudante désimu ano no désimu primeiru finaliza ezame pasajen klase, estudante désimu treseiru ano sira mós hahú kedas ezame nasionàl no lokál.

“Ha’u hanoin preparasaun ezame nasionál, ami forma ona komisaun ezame nasionál ho lokál nian. Agora halo ona preparasaun estudante sira mós hasai ona fotográfia ne’ebè atu taka iha diploma,” Francelino Freitas Carvalho hateten ba Agência Tatoli iha nia knaar fatin, kinta ne’e. 

Nia hatutan, kona-ba matéria profesór dixiplina sira komesa elabora ona pontu sira hodi halo preparasaun ba ezame lokál, tanba sei iha tempu semana rua-resin.

Estudante désimu terseiru ano sei hahú halo ezame nasionál iha loron 13 to’o 15 dezembru,  hafoin kontinua ezame lokal hahú iha loron 16 to’o 18 dezembru tinan ne’e. 

Ami prepadu no forma ona komisaun ami hasoru difikuldade mak konsesoens eskolar sai para fasilita buat sira-ne’e hotu,” nia dehan.

Dadus ikus hosi Ministériu Edukasaun Juventude no Depsortu (MEJD) katak, estudante hosi Eskola Sekundáriu Jeral públiku Covalima efetivu ne’ebè atu tuir ezame Nasionàl no lokál hamutuk 696, no hosi númeru ne’e kompostu hosi mane 287 no feto 409.

Jornalista : Celestina Teles

Editór       : Cancio Ximenes 

PUBLISIDADEiklan

HAKEREK NO HATÁN

Please enter your comment!
Please enter your name here