Ekipa futebol. imajen espesial

VIQUEQUE, 23 novembru 2021 (TATOLI) – Komunidade postu administrative Ossu, munisípiu Viqueque sei komemora loron Proklamasaun Independénsia ba-dala-46 ho desportu komunitária.

Prezidente Komisaun Organizadora atuál Administradór Postu Administrativu Ossu, Agustinho de Souza, informa, desportu komunitária ne’ebé atu komemora loron Proklamasaun Independénsia 28 Novembru iha faze preparasaun.

“Realizasaun desportu komunitáriu nian, ami foin hahú iha faze preparasaun. Hosi jogu komunitáriu ne’e, atu komemora loron Proklamasaun Independénsia 28 Novembru nian ba dala-46,” Adiministradór Postu Administrativu  Ossu, Agustinho de Sousa, informa ba Agência Tatoli, iha Viqueque Vila, tersa ne’e.

Nia fó-sai katak, komisaun prepara hotu ona sistema jogu no kampu futeból sei realiza iha postu administrativu Ossu.

Nia dehan, aban komisaun sei halo enkontru téknika ho ofisiál no treinadór sira husi suku 10 iha postu Ossu, hodi nune’e komisaun relata sistema jogu ba sira.

Tuir planu jogu futeból sne’e ei abertura iha loron 25 fulan-novembru no sei finál tama dezembru. Klubu sira ne’ebé partisipa jogu sei reprezenta kada suku, hanesan mós voleból kompostu husi feto no mane no atletizmu.

Desportu komuninitária ne’e apoia hosi Sekretaria Estadu Juventude no Desportu (SEJD) ho montante $ 6,790.00.

Prémiu ba manán na’in hosi futeból no voleiból ho valór prémiu no orsamentu hanesan: primeiru lugár  hetan $400, segundu lugár $ 300 no terseiru lugár $ 250. Ba modalidade atletizmuu primeiru lugár $ 200, segudu lugár $150 no terseru lugár $100.

Jornalista         : Vitorino Lopes da Costa
Editór               : Evaristo Martins

PUBLISIDADEiklan

HAKEREK NO HATÁN

Please enter your comment!
Please enter your name here