Diretòr MSSI Covalima, Agapito Asis. Imajen Tatoli/Celestina Teles.

COVALIMA, 24 novembru 2021 (TATOLI)—Diretór Ministériu Sosidariedade Sosial no Inkluzaun (MSSI ), Covalima,   Agapito Asis, informa Banku Nasionàl Comercio Timor Leste (BNCTL) hahú ona halo pagamentu ba idozu no invalidéz ba faze daruak iha Covalima.

Bazeia ba kalendáriu ne’ebè mak MSSI Covalima simu hosi BNCTL, hahú halo pagamentu ba idozu no invalidéz iha loron 22 novembru no sei finaliza iha janeiru 2022.

“Ita hahu halo ona pagamentu ba idozu no invalidéz ba segunda faze nian. Ami simu ona kalendáriu hosi BNCTL iha semana ne’e hahú halo ona pagamentu,” Agapito Asis informa ba Agência Tatoli, iha salaun Uma Feto, Santa Rosa, Covalima, kuarta ne’e.

Pontu Vokal idos no invalidez Ildefonso da Costa Amaral, informa pagamentu ba idozu no invalidéz hamutuk 6,129 iha postu administrativu hitu (7) ho nia orsamentu hamutuk $1,103,220.00

Idozu no invalidéz iha Covalima hamutuk 6,129 hosi númeru idozu no invalidéz iha Postu Fatululik pagamentuu ho orsamentuu $39,960.00, Fatumea hamutuk $85,860.00, Fohorem $93,060.00, Maucatar $163,620.00, Suai Vila orsamentu $300,960.00, Tilomar hamutuk $131,400.00 no Zumalai hamutuk $288,360.00.

Jornalsita : Celestina Teles

Editór       : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here