Ministru Agrikultura no Peska, Pedro dos Reis. Imajen Tatoli/Egas Cristovão

DILI, 23 novembru 2021 (TATOLI)—Ministru Agrikultura no Peskas (MAP), Pedro dos Reis, tersa ne’e hala’o sorumutu ho Prezidente Repúblika, Francisco Guterres Lú Olo, hodi rona  medida Governu nian atu responde komunidade nia preokupasaun iha área agrikultura.

Notísia Relevante: PR Lú Olo kontente halo diálogu ho komunidade Manufahi

“Sorumutu ne’e rezultadu hosi akompañamentu MAP nian ho PR iha munisípiu Manufahi, Ainaro foin lalais ne’e. No, Prezidente Repúblika konvida MAP hosi fornese tan informasaun balun relasiona ho preokupasaun sira-ne’ebé komunidade hato’o durante iha diálogu,” Ministru Pedro dos Reis, hateten ba jornalista hafoin ramata sorutumu ho Xefe Estadu iha Palasiu Prezidensiál Nicolau Lobato, Bairru Pite, tersa ne’e.

Probelma barak durante MAP akonpaña fó ona resposta balun no iha durante sorumutu atu halo kompletu liután hodi Prezidente Repúblika entende liután.

“Problema mak hanesan iha inundasaun foin lala’is iha irrigasaun balun estraga, kafé no animál hanesan fahí ne’ebé mate, oinsá atu fó resposta iha tempu tuir mai,” nia dehan.

Governante ne’e dehan, asuntu hirak ne’e diskute jerál ho Xefe Estadu no kona-ba parte tékniku liña ministeriál sei halo koordenasaun ba malu hodi fó resposta ba preokupasaun sira iha tempu tuir mai.

Durante sorumutu, mensajen Prezidente Repúblika nian ba MAP atu prioridade tenke hasa’e produtividade, tanba ita nia área rai laran potensiál iha rihun 80-resin ba haree de’it foin dezenvolve rihun-30 nune’e presiza investimentu iha área agrikultura nian.

Jornalista : Nelson de Sousa

Editór      : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here