Ministru Koordenadór Asuntu Ekonómika (MKAE), Joaquim Amaral, no Prezidente Repúblika, Francisco Guterres Lú Olo. Imajen/Mídia PR.

DILI, 23 novembru 2021 (TAOLI)—Prezidente Repúblika, Francisco Guterres Lú Olo, husu ekipa ne’ebé envolve iha prosesu adezaun Timor-Leste ba Organizaun Mundiál Komérsiu (OMK) atu konserta identifikasaun dezafiu no pontensialidade bele optimaliza apoiu prosesu adezasaun nian.

Notísia Relevante:   MKAE relata prosesu adezaun OMK ba PN

“Prezidente Repúblika fó nia apoiu no orientasaun atu la’øs de’it kumpre kaléndariu ne’ebé iha maibé aliénde identifika situasaun atuál Timor-Leste iha ho sira-nia orgaun no elementu sosiedade relasaun direta ho ekonómia. No, oinsa atu ita tau matan nivél sorumutu ho liña ministeriál sira-ne’ebé envolve iha prosesu adezaun ba OMK, atu bele tuur konserta identifika ita-nia dezafiu sira-ne’ebé iha no potensialidade bele optimaliza apoiu prosesu ne’e,” Ministru Koordenadór ba Asuntu Ekonómika (MKAE), Joaquim Amaral, hateten ba jornalista sira hafoin ramata sorumutu ho Xefe Estadu iha edifísiu Palásiu Prezidensiál Nicolau Lobato, Bairru Pite, Dili, tersa ne’e.

Durante sorumutu, MKAE atualiza TL nia prosesu adezaun ba iha Organizasaun Mundiál Komérsiu (OMK), ligadu ba servisu ekipa nian ne’ebé halo ona no servisu sira-ne’ebé atu halo tan iha tempu oin mai.

Servisu ne’ebé halo ona mak TL submete ona nia dokumentu input (rekomendasaun) ba negosiasaun kona-ba bens no servisu no simu ona pergunta input hosi nasaun membru organizasaun, nune’e prepara formula fó resposta no balun antes ne’e fó ona.

Nune’e, daufaun ne’e hala’o hela servisu interna hodi identifika planu lejislasaun sira atu halo hodi armoniza liña regra prosedimentu ne’ebé OMK iha, no TL hetan ona kalendáriu indikativu atu bele tuir kumpre tempu sekretáriadu OMK fó ona ba adezaun nian.

“Servisu sira ne’e mak ita atualiza ba Prezidente Repúlika hodi hetan orientasaun no suporta atu nune’e ekipa halo servisu ba oin,” nia hateten.

Orientasaun adezaun ne’e parte ida hosi polítika externa TL nian, nune’e apoiu hosi orgaun soberania sira no sosiedade sivíl, setór privadu hotu tenke hatene faze sira ne’ebé halo atu lori TL integra iha organizasaun internasionál refere.

Jornalista : Nelson de Sousa

Editór       : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here