Diretor Jerál Serbisu Kooperativu, Ministériu Saúde, Marcelo Amaral. Imajen Tatoli/Francisco Sony.

DILI, 23 novembru 2021 (TATOLI)— Ministériu Saúde prevee $52,113,565 hodi finansia ba programa prioridade saúde públika, governasaun di’ak no jesatun institusionál inlui Igulaidade Jéneru no inklusaun sosiál iha Orsaemntu Jerál Estadu (OJE) 2022.

“Ami propoin milaun $65, maibé hetan  $52,113,565 atu foku ba saúde públiku no finansia mós pasiente sira ba halo tratamentu saúde iha rai li’ur,’’ Diretór Jerál Servisu Koorporativu, Ministériu Saúde, Marcelo Amaral, hateten ba Agência TATOLI iha kna’ar fatin-Dili, tersa ne’e.

Hosi totál OJE 2022 $52,113.565 fahe ba kategoria, salariu no vensimentu $24,633,600, bens no servisu $13,546,957, kapitál menor $1,000,005, Kapitál dezenvolvimentu $1,916,203 no transferénsia públika $ 10,998,800.

Orsamentu ne’e finansia ba programa tolu, sub-programa 19 no atividade 69 hanesan programa ho kodigu 510 kona-ba Governasaun di’ak no jestaun institusionál previstu montante $8,548,068, Programa saúde ho kódigu 805 aloka montante $43,563,497 no programa ba igualidade jeneru  no inkluzaun sosiál aloka $2,000.

“Iha OJE ne’e,ita foka liu ba dahuluk  kuidadu saúde primaria,   daruak kuidadu saúde sekundariu tanba sira ne’e sai prioridade ba Ministériu saúde  hanesan ospitál sira  hodi halo tratamentu pasiente ba rai-li’ur, hafoin pagamentu catering no otél sira ho nia orsamentu $43,563,497,” nia akresenta.

Orsamentu ne’ebé aloka iha governasaun di’ak no jestaun institusionál sei kontinua hadi’ak instituisaun liuliu ospitál sira, sentru saúde sira atu bele hala’o atedimentu ho di’ak.

Alende ne’e, Ministériu Saúde ezekuta ona OJE 2021 ho montante $71,971.00 ne’ebé atinje ona 73,7%,ho kompromisu sira laiha, atuál $53,045.00 no saldu $18,926.00.

Jornalista : Felicidade Ximenes

Editór        : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here