Ró Berlin Nakroma atraka iha Portu Dili. Imajen TATOLI/António Gonçalves

DILI, 23 novembru 2021 (TATOLI)—Governu liuhusi Ministériu Transporte no Komunikasaun (MTK), planea ona troka bandeira ró-ahi Berlin Nakroma tanba dauudaun ne’e bandeira iha ró-ahi refere uza bandeira Indonézia nian.

Notísia Relevante: APORTIL deside empreza Timor Ocean halo manutensaun Ró Berlin Nakroma

“Durante ne’e ita-nia ró ahi ne’e uza hela bandeira Indonézia nian, entaun iha tempu badak sei atribui sertifikadu ida hodi troka bandeira ne’e ba fali bandeira RDTL,” Ministru Transporte no Komunikasaun (MTK), José Agustinho da Silva, hateten hafoin relata serbisu ba Primeiru-Ministru (PM), Taur Matan Ruak, iha Palásiu Governu, tersa ne’e.

Alende ne’e, sei rejista mós iha organizasaun telekomunikasaun unit entaun iha rekoñesementu internasionál.

“Ita sei muda situasaun ida-ne’e, durante ne’e maske sasán ne’e ita-nian maibé uza hela simbolu nasionál rai seluk nian, entaun lojíka mak ne’e fízikamente sasan ita-nian maibé administrativamente sasán ema seluk nian. Maibé ho troka bandeira ne’e fizikamente no administrativamente sasán ne’e pertense ba Estadu Timor-Leste no sei loke dalan ba ró-ahi hotu-hotu ne’ebé mak iha Timór, atu uza ita-nia Bandeira tuir regra organizasaun marítima internasionál,” nia esplika.

Dadaun ne’e, ró-ahi Berlin nakroma avaria no para hela iha portu Dili, maske nune’e APORTIL deside atu halo manutensaun.

Enkuantu, ró refere nu’udar transporte marítima ne’ebé hahú hala’o operasaun iha tinan 2007 hodi hala’o atividade entre Dili-Ataúro-Oé-cusse.

Jornalista : Antónia Gusmão

Editór       : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here