Ministru Transporte no Komunikasaun, José Agustinho da Silva. Imajen Tatoli/Egas Cristovão.

DILI, 23 novembru 2021 (TATOLI)—Governu liuhosi Ministru Transporte no Komunikasaun (MTK) planea halo jestaun espasu aero ka air espase management ne’ebé maka bele prodús reseita ba kofre Estadu.

“Ohin, mai informa ba Primeiru-Ministru oinsá mak halo jestaun ba espasu bai ta-nia espasu aero, ne’ebé mak bele prodúz reseita Estadu,” Ministru Transporte no Komunikasaun (MTK), José Agustinho da Silva, hateten hafoin relata serbisu ba Primeiru-Ministru (PM), Taur Matan Ruak, iha Palásiu Governu, tersa ne’e.

Governu planea ida-ne’e tanba tuir regra mundiál aviaun sivil ka International Civil Aviation Organization (ICAO), katak aviaun-sira ne’ebé mak ultrapasa espasu aero nasaun ida ninian iha obrigasaun para kumpre nia dever selu taxa ne’ebé mak sai na’in rasik ba espasu aero ne’e.

Relasiona ho ida-ne’e, autoridade sivil Timor-Leste nian ne’ebé durante ne’e halo diskusaun no pro-ativu ho nasaun viziñu-sira hanesan Austrália oinsá mak Timor-Leste haree asuntu, nune’e kumpre ICAO aviaun sira-ne’ebé ho kategoria oioin ne’ebé ultrapasa RDTL-nia espasu aero, entaun tuir regra tenke kumpre regra ne’ebé estabelese.

Ida-ne’e nu’udar kanál reseita ida, ne’ebé kálkula katak kada tinan sei rekolla millaun $1-resin ba kofre Estadu, maibé durante ne’e la implementa signifika gratuita de’it.

Jornalista : Antónia Gusmão

EDitór       : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here