Diretór Edukasaun RAEOA, Daniel Mauno. Imajen Tatoli/Abílio Elo Nini.

OÉ-CUSSE, 22 novembru 2021 (TATOLI) – Diretór Edukasaun Rejiaun Administrativa Espesiál Oé-Cusse Ambeno (RAEOA), Daniel Mauno, apela ba kandidatu estudante ba ezame tinan 2021atu prepara-án estuda, nune’e bele hetan rezultadu iha períodu ezame nasionál tinan ne’e.

“Ita apela nafatin ba estudante feto no mane, ne’ebé agora daudaun ativu hela iha ensinu secundáriu jerál no tékniku vokasionál, liuliu ba kandidatu atu aprtisipa iha ezame nasionál, presiza prepara estuda nafatin tanba bazea ba kalendáriu hosi Ministériu Edukasaun determina ona iha 13 dezembru ne’e, realiza ezame nasionál,” Diretór Edukasaun RAEOA Daniel Mauno, informa ba Agência Tatoli iha Santa Rosa, Oé-Cusse, segunda ne’e.

Nia husu estudante sira estuda maka’as nune’e prodús valór ne’ebé di’ak iha ezame nasionál.

“Ita husu apoiu mós hosi inan-aman atu akompaña oan sira iha uma, atu haree estuda, tanba maski situasaun COVID-19 maibé ezame sei la muda, tán ne’e mak iha husu ajuda ba inan-aman atu observa no tau matan ba oan sira hodi prepara-án,” nia apela ba inan-aman.

Edukasaun RAEOA submete ona lista estudante sir aba iha Ministériu Edukasaun, Juventude no Desportu (MEJD), totál hamutuk 1.318 mak sei partisipa iha ezame nasionál tinan ne’e.

Nune’e dadus ne’e komposta hosi ensinu sekundáriu jerál neen (6) ho totál kandidatu hamutuk 2.595, no ensinu téknika vokasionál hamutuk iha eskola rua (2), ho totál kandidatu hamutuk 3.913.

Entretantu, tuir kalendáriu ezame nasionál tinan ida-ne’e sei realiza entre loron 13 to’o 15 fulan-dezembru ba disipliña nasionál, no loron 16 to’o 18 dezembru ne’e realiza ezame lokál.

Jornalista         : Abílio Elo Nini
Editór               : Evaristo Soares Martins

PUBLISIDADEiklan

HAKEREK NO HATÁN

Please enter your comment!
Please enter your name here