Diretòr Eskola Sekundária Jerál Covalima, Francelino Freitas Carvalho. Imajen Tatoli.Celestina Teles.

COVALIMA, 23 novembru 2021 (TATOLI)—Diretòr Eskola Sekundária Jerál Covalima, Francelino Freitas Carvalho, husu ba estudante sira atu foti diploma iha eskola sekundária Jerál Covalima tanba estudante barak seidauk foti diploma.

Nia hateten, realidade hatudu estudante iha Ensinu Sekundáriu Jerál Covalima barak mak ramata ona estudante maibé to’o ohin loron seidauk foti sira-nia diploma. 

“Estudante sira-ne’ebé mak seidauk foti sira-nia diploma, ha’u seidauk hatene loos tanba ha’u haree hahú tinan 2013 to’o 2017. Maibé ha’u seidauk klasifika loloos estudante barak tebes mak seidauk foti diploma. Eskola kontinua asegura sira-nia diploma maibé estudante mós seidauk mosu mai hodi foti sira-nia diploma. Ita lahatene estudante sira-nia paradeiru,” Francelino Freitas Carvalho informa ba Agência Tatoli, iha nia knaar fatin, Covalima, segunda ne’e. 

Kona-ba diploma ne’e, parte eskola sei koordena ho ministériu edukasaun tanba liga ho osan ne’e sensitivu tebes tanba parte eskola sei aplika sansaun administrativu $25, bainhira estudante sira fotin tarde sira-nia diploma.  

Razaun eskola aplika prosesu sansaun administrativa ba estudante sira-ne’ebé mak hafoin ramata iha eskola la foti sira-nia diploma ne’e hanesan atu hatauk de’it estudante, tanba tuir loloos la presiza atu aplika prosesu administrativu bainhira hafoin finaliza tenke foti kedas diploma. 

Jornalsita : Celestina Teles

Editór       : Cancio Ximenes 

PUBLISIDADEiklan

HAKEREK NO HATÁN

Please enter your comment!
Please enter your name here