Arsebispu ba Arquidiocese Metropolitana Dili, Dom Virgílio do Carmo da Silva. Imajen Tatoli/António Gonçalves.

OÉ-CUSSE, 23 novembru 2021 (TATOLI) – Arsebispu Arkidioseze Metropolitana Dili, Dom Virgílio do Carmo da Silva, tersa ne’e vizita sarani sira iha rejiaun Oé-Cusse, ho objetivu halo seremónia inaugarasaun, fó krizma no halo lansamentu hatuur fatuk dahuluk ba igreja parókia Nossa Senhora Coração iha Paroqui Oésilo.

Padre Vigáriu Parókia Oé-Cusse, Cirilio dos Santos, informa, Dom Virgílio vizita Oé-Cusse vizita pastorál iha vigáriu Oé-Cusse, atividade dahuluk mak iha parókia Nossa Senhora do Rosário Oé-Cusse, halo inaugurasaun ba edifísiu koléjiu eskola Santo Oé-Cusse, ne’ebé harii tiha ona ho pakote ida, komposta hosi eskola sekundária no pre-sekundária nune’e iha tinan oin estudante sira sei konsentra hamutuk iha fatin ne’e ba prosesu aprendizajen.

“Ohin, ita mai simu direita ita-nia amu bispu iha airoportu ne’e, depois direitamenta sei ba rezidénsia parókia deskansa uitoan, hafoin liu kedas ba eskola katólika sei simu ho hasa’e bandeira depois halo inaugurasaun ba edifísiu eskola sekundáriu Katólika Santu Oé-Cusse,” Padre Vigáriu Parókia Oé-Cusse, Cirilio dos Santos, informa ba Agência Tatoli iha aeroportu Rota do Sândalo Oé-Cusse, tersa ne’e. 

Sarani sira iha RAEOA simu Amu Bispu Virgílio do Carmo da Silva. Imajen Tatoli/Abílio Elo Nini.

Padre Vigáriu ne’e fó sai katak, iha tersa loraik ne’e amu bispu sei deskloka ba parókia Baoknana, sub-rejiaun Nítibe, hodi halo serimónia inaugurasaun ba rezidénsia parókia Baoknana.

Nune’e mós iha loron kuarta 24 novembru ne’e, kontinua vizita parókia Oésilo iha sub-rejiaun Oésilo hodi halo lansamentu hatuur fatuk dahuluk ba parókia Nossa Senhora Coração de Jesus Oésilo.

Nune’e iha loron kinta 25 novembru kalan, amu bispu sei mai fó retiru ba amu lulik sira hotu iha Oé-Cusse, tuir programa anuál ne’ebé fó-sai ona tanba kestaun pandemia COVID-19 impede atividade barak iha Oé-Cusse, foin mak realiza retiru iha tinan ne’e, hodi komunika ho Maromak liuhosi vida espirituál ne’ebé maka amu bispu mak sai empregadór ba retiru ne’e.

Purtantu, iha loron domingu 28 novembru amu bispu sei fó krizma iha parókia igreja Nossa senhora do Rosário, Numbei, Oé-Cusse, nune’e iha parte lokraik sei kontinua viajen ba iha igreja Padiae, hodi realiza misa agradesimentu ba Padre Hermenegildo de Almeida ba dala-25 sai saserddote nian, nune’e iha segunda 29 novembru ne’e amu bispu sei halo viajen ba Dili.

Tuir obsevasaun Agência TATOLI, amu bispu to’o iha aeroportu internasionál ho Rota do Sândalo iha tuku 9:00 dadeersan ho aviaun ZEESM, ne’ebé simu direita hosi Adjuntu Prezidente Atoridade RAEOA, Maximiano Neno, akompaña hosi membru autoridade na’in-hitu, inklui padre, madre, estudante no sarani Oé-Cusse.

Jornalista         : Abílio Elo Nini
Editór               : Evaristo Soares Martins

PUBLISIDADEiklan

HAKEREK NO HATÁN

Please enter your comment!
Please enter your name here